ဒီလိုလေးတွေလုပ်ဖြစ်ရင်
ဒီတစ်ပတ်ထဲမှာတက်နေတဲ့အလုပ်ဆွေးနွေးပွဲတစ်ခုက ရထားတဲ့နည်းတွေကိုကျွန်မရဲ့စာဖတ် ပရိတ်သတ်ကြီးအတွက် လက်ဆောင်ပေးချင်ပါတယ်။ အလုပ်ရုံဆွေးနွေးပွဲကိုစီစဉ်တဲ့သူတွေကဂျပန်နိုင်ငံမှာရှိတဲ့ တက္ကသိုလ်နှစ်ခုက ဆရာတွေပါပဲ။ သင်ကြားနည်းစနစ်နဲ့သင်ကြားနည်းပုံစံတွေကိုစိတ်ဝင်စားတတ်သလိုဝေဖန်ဆန်းစစ်တတ်တဲ့ကျွန်မအတွက်သူတို့နှစ်တိုင်းလာပေးတဲ့ သင်တန်းတွေတက်ရင်း မေးချင်တာတွေမေးလို့ရတဲ့နေရာတစ်ခုပါပဲ။ အမြဲလိုလိုမျက်လုံးလေးမှေး၊ ခပ်တွေတွေလေးနေပြီးသိချင်တာတွေအချိန်ရသလိုမေးနေတတ်တဲ့သင်တန်းသားကို သင်တန်းဆရာတွေ ဂရုစိုက် မိတာမဆန်းပါဘူး။ဒီနှစ်မှာငါးရက်ဆက်တိုက်မအားလို့တက်ဖို့ စာရင်းမပေးခဲ့ပေမယ့် သူတို့ရောက်လာ တဲ့အချိန်မှာဖုန်းဆက်ပြီးခေါ်ခိုင်းလို့အားတဲ့ရက်လေးတွေသွားတတ်ဖို့ဆုံးဖြတ်ခဲ့တာပါ။
ပထမဆုံးနေ့မှာ စစချင်းလုပ်ခိုင်းတာကစာရွက်ပိုင်းလေးတွေပေးပြီးကိုယ့်အမည်၊အဖွဲ့နဲ့ကိုယ့် အကြောင်းနှစ်ခု၊ သုံးခုလောက်ရေးကပ်ခိုင်းတာပါပဲ။ နောက်တစ်ရွက်ထပ်ပေးပြီးရေးခိုင်းတာပါပဲ။နောက်တစ်ရွက်ထပ်ပေးပြီးရေးခိုင်းတာကတော့ Education motto”ပါပဲ။ ပညာရေးလုပ်နေတဲ့ သူဖြစ်ပြီးပညာရေးဆောင်ပုဒ်ရေးခိုင်းချိန်မှာတော့ ကိုယ့်ရဲ့ခိုင်မာမှုကို တိုင်းလို့ရလိုက်တာပါပဲ။ကိုယ့် ရင်ထဲမှာဘာတွေရှိနေလဲဆိုတာ ရှင်းရှင်းလင်းလင်းသိနားလည်စေတဲ့အစီအစဉ်ပါ။ တစ်ဦးစီမှာဆောင်ပုဒ်တစ်မျိုးထက်ပိုရှိနေနိုင်သလိုအားလုံးတူနေအောင်လည်း ကျက်နေစရာမလိုပါဘူး။ ပြီးတဲ့အချိန်မှာအလုပ်တစ်ခုအတူတူလုပ်ဖို့ဘာတွေရှိနေဖို့လိုလဲ။ ဘယ်လိုစိတ်ကူးတွေရှိနေလဲလို့ စာရွက်ပိုင်းတွေနဲ့ရေးခိုင်းပြီးနှစ်ယောက်တစ်တွဲတွဲကာသုံးလေးချက်လောက်ထုတ်ရေးခိုင်းပါတယ်။ နောက်နေ့မှာတော့သင်တန်းသားအားလုံးစုရေးထားတဲ့စိတ်ကူးတွေကအချက် ၁၆ချက်ရှိတဲ့သင်တန်းစည်းကမ်းလို ဖြစ်သွားပေမယ့်မနေ့ကလုပ်ခဲ့တာတွေထဲကဒီအချက်ဘယ်နှချက်နဲ့ ကိုက်ညီနေလဲလို့တိုက်စစ်ခိုင်းရုံပါပဲ။ဒီနေ့ရောဘယ်နှစ်ချက်လောက်ညီအောင်လုပ်ကြမလဲဆက်တွေးခိုင်းပါတယ်။
ဘယ်သူထုတ်မှန်းမသိ၊ ဘယ်သူလိုက်နာရမှန်းမသိဘဲ ဘယ်သူမှမလိုက်နာတဲ့များပြားလှစွာသောစည်းကမ်းချက်တွေ အစားတကယ်အလုပ်ဖြစ်တဲ့အချက်ပါလားလို့ သင်ယူရလိုက်ပြန်ပါတယ်။ ပြီးတော့ကိုယ့်ရဲ့life skill အဖြစ်လိုချင်တာတွေ၊ ရှိနေစေချင်တာတွေထပ်စဉ်းစားဖို့ Brain-storming လုပ်ခိုင်းပြန်ပါတယ်။life skill ဆိုတာနဲ့ “ဘဝတွက်တာ”ဆိုတာကချက်ချင်း ပြေးမြင်ပြီးစာရွက် ကောင်းကောင်း တွေနဲ့ပုံနှိပ်ထုတ်ဝေ၊သင်ကြားစေ၊ စာမေးပွဲဖြေစေတဲ့အရာလို့ကျွန်မဦးနှောက် ကချက်ချင်းသတင်းပို့လိုက်တော့ ဘာပြောရမှန်းမသိလိုက်တော့ပါဘူး။ကျွန်မလိုလူစားတွေပဲဖြစ်နေ တော့ ဘာမှမပြောဖြစ်ကြဘဲ သင်တန်းဆရာကိုအငေးသားကြည့်နေပါတယ်။ဆရာကကိုယ့်ကိုယ် ကိုပြန်တွေးပါ။ ကိုယ့်နဲ့ကိုယ့်အဖွဲ့အစည်းကြားထဲမှာ အဆင်ပြေပြေရှိနေဖို့ဘာအချက်တွေလိုအပ်လဲ လို့ ထပ်စဉ်းစားခိုင်းလိုက်တော့မှအချက်အလက်တွေထွက်လာကြပါတယ်။ ဩော်၊ကျွန်မတို့ဘဝ ကကိုယ့်ရဲ့ Life Skill ကိုတောင်ကိုယ်သေချာမသိပါလားလို့ သံဝေဂပဲယူရမလိုဝမ်းပဲနည်းရမလို၊ဒေါသပဲဖြစ်ရမလိုနဲ့မသက်မသာဖြစ်ရပါတယ်။ ပြီးတဲ့အချိန်မှာတော့ ရောင်စုံစက္ကူလေးငါးရွက်ပေါ်မှာR,W,S,L,L to L လို့ရေးပြီး ကိုယ်စိတ်ဝင်စားတဲ့ စာရွက်နားမှာသွားရပါရပါတယ်။English Skills လို့စဉ်းစားခိုင်းရင်ကျွန်မတို့ရဲ့အူလည်လည်အဖြေတွေရမှာသိလို့ တစ်ခါတည်းရေးပေးလိုက်တာလားလို့ တွေးမိလိုက်တော့ကျွန်မနည်းနည်းပြုံးမိပါသေးတယ်။ အတူတူရပ်မိတဲ့သူတွေကို အဖွဲ့ဖွဲ့ပေးပြီးဘာအချက်တွေလိုအပ်သလဲလို့ တိုင်ပင်ကာအချက်အလက်စုဆောင်းရပါတယ်။ R(Reading) Skill အတွက်လိုအပ်တာတွေ၊W(Writing)အတွက်၊ S(Speaking)အတွက်၊ L(Listening)အတွက် ဆိုတဲ့ ဘာသာစကားတစ်ခုမှာ ဟန်ချက်ညီညီရှိဖို့လိုသလိုပြည့်စုံအောင်လုပ်ရမယ့်အဖတ်၊ အရေး၊ အပြော၊ နားထောင်ဆိုတဲ့ Skill 4 ခုအပြင် (L toL)Learning to learn ဆိုတဲ့အချက်ရဲ့အရေးကြီးပုံကိုလည်း နားလည်လိုက်ရပါတယ်။
ထူးခြားချက်နောက်တစ်ချက်ကတော့ကိုယ့်ရဲ့ Skill ကိုအခြားမတူတဲ့Skill နေရာမှာရပ်နေတဲ့ လူတွေဆီသွားခိုင်းကာ အကြံဉာဏ်တောင်းစေတာပါပဲ။ များသောအားဖြင့်အခြားလူတွေကိုအကြံ ကောင်း၊ ဉာဏ်ကောင်းတွေ ပေးတတ်လေ့ရှိတဲ့အချက်ကို အသုံးပြုခိုင်းလိုက်တယ်လို့ နားလည်လိုက်ရပါတယ်။ အချင်းချင်းအပြန်အလှန်ဆွေးနွေးကြကာအကြံပေးချက်တွေကို မှတ်သားရပါတယ်။
တချို့သင်တန်းသားတွေအတွက်အကျင့်မရှိတော့ယောင်တောင်တောင်ဖြစ်နေကြပါတယ်။ကျွန်မတို့ကျောင်းသားဘဝတစ်လျှောက်လုံးဘာသာစကားတစ်ခုမှာရှိသင့်တဲ့ရှိရမယ့်အရည်အချင်းအပြည့်အဝနဲ့ အသင်မခံရသလိုဘာသာစကားချို့တဲ့အားနည်းမှုကြောင့် ဘာသာရပ်တွေရဲ့ရှုပ်ထွေး မှုထိုးနှက်ချက်အောက်မှာပြားပြားဝပ်အရှုံးပေးခဲ့ကြရတဲ့ဘဝတွေအများကြီးပါပဲ။ ပိုမိုဆုံးရှုံးခဲ့ရတာတွေကတော့ကိုယ်တိုင်လေ့လာသင်ယူလိုတဲ့စိတ်နဲ့တည်တံ့ခိုင်မြဲရေရှည်ရပ်တည်နိုင်တဲ့လေ့လာမှုအပေါ်အခြေခံတဲ့အသုံးချနိုင်မှုတွေပါပဲ။
ရေတို၊ ရေရှည်ဘဝရပ်တည်နိုင်ဖို့အတွက် လမ်းညွှန်မှုတွေပေးခြင်းထက်အလွတ်ကျက်၊အ လွတ်မှတ်၊ အလွတ်ချရေးပြီး တန်ဖိုးရှိလှတဲ့အချိန်တွေကို အသုံးပြုကာအလွတ်မကျက်၊ မရေးနိုင်တဲ့အဆုံး မသမာမှုတွေသုံးတတ်၊ လိမ်လည်လှည့်စားမှုတွေကို တတ်မြောက်အောင်မြင်ကာ ပျော် ပျော်ရွှင်ရွှင်ဖြတ်ကျော်နေတဲ့အနေအထားဖြစ်လာရပါတယ်။
နောက်တစ်ဆင့်ပိုခက်လာတာက Critical Thinking ကိုစဉ်းစားခိုင်းတာပါပဲ။သူ့ရဲ့သင်တန်း Outline အရကျွန်မတို့ရဲ့ Workshop မှာဝေဖန်ပိုင်းခြားစဉ်းစားမှုစွမ်းရည်နဲ့ပြဿနာဖြေရှင်းစွမ်းရည် တွေဖွံ့ဖြိုးမှုတိုးတက်အောင်လုပ်ဆောင်ပေးမယ့် အစီအစဉ်တွေပါဝင်ထားတော့အရင်ဆုံးကျွန်မတို့ရဲ့ Workshop မှာဝေဖန်ပိုင်းခြားစဉ်းစားမှုစွမ်းရည်နဲ့ပြဿနာဖြေရှင်းစွမ်းရည်တွေဖွံ့ဖြိုးမှုတိုးတက်အောင် လုပ်ဆောင်ပေးမယ့် အစီအစဉ်တွေပါဝင်ထားတော့ အရင်ဆုံးကျွန်မတို့သင်တန်းသားတွေဆီမှာလက်ခံပြီး၊ ရှိပြီးအချက်တွေကိုထွက်ပေါ်စေတာပါပဲ။
စာရွက်တစ်ရွက်မှမပေး၊ အဓိပ္ပာယ်သတ်မှတ်ချက်တစ်ခုမှမရေးပေးဘဲစဉ်းစားစေတဲ့အကြောင်းအရာ နားလည်လာဖို့ဘေးကကူညီပေးနေတဲ့သူတို့ရဲ့သင်ပြနည်းတွေက ကျွန်မတို့ရဲ့ဦးနှောက်တွေအငြိမ်မနေရပါဘူး။ စိတ်ပျံ့လွှင့်သွားရင်တောင်မှ သင်တန်းဆရာကသိပြီးသူ့ဆီဒါမှမဟုတ်လေ့လာနေတဲ့အကြောင်းအရာတွေဆီပြန်ရောက်လာအောင် ဂရုတစိုက်နဲ့မသိမသာခေါ်ပေးပြန်ပါတယ်။
နေ့လယ်စာမစားခင်အချိန်အတွင်းမှာပဲ ကျွန်မတို့သင်တန်းသားတွေရဲ့အခြေအနေ၊သိရှိထား တဲ့အချက်အလက်တွေရဲ့အနေအထားတွေကို သိနားလည်အောင်လုပ်ဆောင်ပြီးအဆင်ပြေ ညီညွတ်အောင်အပြန်အလှန်အပေးအယူမျှမျှလေ့လာနိုင်အောင် အလုပ်ရုံဆွေးနွေးပွဲတစ်ခုလုံးအတွက် ပြင်ဆင်ညှိယူနိုင်မှုဖြစ်အောင်လုပ်ဆောင်ခဲ့တယ်လို့ နားလည်မိပါတယ်။
တစ်နှစ်လုံးတွေ့ရမယ့်ကလေးတွေနဲ့အတိုင်အဖောက်ညီညီဟန်ချက်ညှိလေ့လာသင်ယူနိုင်ဖို့နှစ်စမှာတွေ့တွေ့ချင်းစာတွေစမသင်ဖို့အရေးကြီးတယ်ဆိုတဲ့သင်တန်းဆရာ၊ ဆရာမသင်တန်းတွေကိုကျွန်မအမြဲပြောလေ့ရှိနေတဲ့အချက်တိုင်းပါပဲ။ နိုင်ငံခြားကလာတဲ့ဆရာဆရာမတွေရဲ့လုပ်ဆောင်မှုတွေက ကျွန်မတို့အတွက်ထူးခြားမှုတွေပါပဲ။ ကျွန်မတို့က စာတွေအများကြီးရေးစေချင်တယ်။ အသံအကျယ်ကြီးနဲ့အော်ကျက်နေစေချင်တယ်။ စာတစ်လုံးစာတစ်ပိုဒ်ကိုပဲ အကြိမ်အရေအများကြီးဆိုရေးနေစေချင်တယ်။ အလွတ်ပြန်ရာမှာမရပ်မနားမမေ့ဘဲ ဖြစ်နေစေချင်တယ်။ ထပ်တူထပ်မျှ ပုံစံမကွဲရှိနေစေချင်တယ်။ စာမေးပွဲမှာ နံပါတ်တွေစာကြောင်းတွေမပြောင်းရွှေ့အစဉ်အတိုင်း ဖြေဆိုသူအားလုံးအတူတူ ဖြစ်နေစေချင်တယ်။ (အမှတ်ပေးရလွယ်အောင်လို့များလားလို့တွေးဖြစ်ပါသေး တယ်။)စာမေးပွဲမှာပါမယ့်စာတွေအကုန်လုံးကိုပဲ အထပ်ထပ်အခါခါပြန်လှန် လေ့ကျင့်ခန်းလုပ်နေ စေချင်တယ်။ဒါတွေအကုန်လုံးကို နိုင်ငံခြားကလာပြီးကျွန်မတို့ကိုသင်တန်းပေးတတ် တဲ့နိုင်ငံခြားသားဆရာတွေအားလုံးမလုပ်ကြပါဘူး။ ကျွန်မတို့ကျက်စေချင်တာ ဘာရှိလဲလို့မေးကြည့်တာ ဘယ်အရာကိုမှမကျက်ပါနဲ့တဲ့။ စာမေးပွဲကိုလည်းစစ်လေ့မရှိပါဘူး။ ဒီတော့ကျွန်မတို့ရဲ့အရည်အချင်းကိုဘယ်လို သတ်မှတ်ရမလဲဆိုတာက အရေးကြီးတဲ့တွေးစရာတစ်ခုပါပဲ။
မင်းတို့ဂျပန်မှာကလေးတွေကို ဘယ်လိုစစ်ဆေးလဲလို့မေးကြည့်တော့သူ့အတန်းထဲမှာအမြဲ တမ်းနှစ်ယောက်တွဲ(ဒါမှမဟုတ်) အစုလိုက်အလုပ်တွေလုပ်ခိုင်းပါတယ်တဲ့။ လေ့လာစရာရှိတာတွေကိုအပေါ်ယံလေးတင်မဟုတ်ဘဲအထဲထိရောက်အောင်နက်နက်နဲနဲလေ့လာရှာဖွေရပါတယ်တဲ့။ စာမျက် နှာနှစ်မျက်နှာလောက်ရှိတဲ့စာတမ်းရေးတင်ရပါတယ်တဲ့။သူလေ့လာရှာဖွေနေတဲ့တစ်လျှောက်လုံးမှာ လုပ်ဆောင်မှုတွေရယ်၊ သူငယ်ချင်းတွေနဲ့ဆွေးနွေးတင်ပြမှုတွေမှာသူငယ်ချင်းတွေပေးတဲ့အမှတ်ေ တွရယ်၊ စာတမ်းရေးသားမှုရယ် ပေါင်းပြီးကျောင်းသားနဲ့ညှိပါတယ်တဲ့။ကိုယ်ကိုယ်တိုင်ပေးထားတဲ့ အဆင့်ကိုလည်းမေးပါတယ်။ သူမေးတဲ့အဆင့်နဲ့ဆရာပေးလိုတဲ့အဆင့်ညီရင်ကိစ္စမရှိပေမယ့်မတူရင်ဆွေးနွေးညှိနှိုင်းပြီးပြန်လည်သတ်မှတ်ကြပါတယ်တဲ့၊ တစ်ချက်တော့ရှိတာပေါ့လေ၊ သူတို့ရဲ့ကျောင်းတွေမှာ ဆရာနဲ့ကျောင်းသားအချိုးက ထိန်းထားလေ့ရှိတာဆိုတော့ ဆရာ့အတွက် မနိုင်ဝန်မဖြစ်ပါဘူး။ဒါပေမဲ့လည်း သက်သက်သာသာလေးတော့လည်း မဟုတ်ပြန်ပါဘူး။ ကျွန်မကသူ့အခန်းထဲကျောင်း သားအရေအတွက်မေးကြည့်တော့ ၂၀နဲ့ ၃၀ကြားမှာ ရှိပါတယ်တဲ့။
သင်ရိုးညွှန်းတမ်းတွေတိုးတက်ဖို့လည်း ဆရာတွေအားလုံးထိုင်လို့ဆွေးနွေးပွဲတွေလုပ်ပြီးပြင် ဆင်ရတယ်တဲ့။ ကျွန်မတို့လိုလူတွေကတော့ မမြင်ဖူးတော့မသိဘူးဆိုပြီးငြင်းနိုင်တာပေါ့။ကျွန်မက ကျွန်မတို့နိုင်ငံထဲကနေရာဒေသမျိုးစုံက ကျောင်းအမျိုးအစားအစုံစုံကိုရောက်ဖူး၊လေ့လာဖူးတော့ ကလေးမများဘဲသူတို့ ဆီကအရေအတွက်လောက်ပဲရှိနေလည်းသူတို့လိုသင်ကြားသင်ယူ၊စစ်ဆေး အကဲဖြတ်မှုတွေဖြစ်မနေတာသတိထားမိပါတယ်။ ဒီတော့ကျွန်မရဲ့စိတ်ကူးကတော့ ဒီကဆရာဆရာမတွေအားလုံးနိုင်ငံခြားပို့၊ နိုင်ငံခြားကဆရာဆရာမတွေအားလုံး ဒီခေါ်ပြီးလုပ်ကြည့်ချင်တဲ့ဆောင်းတွင်း ကုန်မှမက်တဲ့အိပ်မက်ဂယောက်ဂယက်များဖြစ်နေမလား။
တက်နေဝန်း
