ပန်းတိုင်ကို သွားတဲ့လှေကားထစ်တွေ၊ ပျော်ပျော်ကြီး နင်းတက်ကြပါစေ
၂၀၁၅-၂၀၁၆ပညာသင်နှစ်ရဲ့အစပထမနှစ်ဦးမှာ ကိုမြအေး၊ မမြအေးတို့နဲ့ အတူပညာရေး လောကသားအားလုံး ရွှင်မြူးနိုင်ကြပါစေ။တစ်ပါတည်း အဆစ်ထပ်ထည့်ပေးချင်တာကတော့ ဒီနှစ် သစ်မှာ စိတ်သစ်၊ လူသစ်၊ ခွန်အားသစ်တွေနဲ့ပိုမိုကောင်းမွန်တဲ့ပညာရေးဝန်ဆောင်မှုတွေ ပေးနိုင် ကြပါစေလို့ပါ။
ဒီလိုဆုတောင်းပေးတာကလည်း တခြားကြောင့် မဟုတ်ပါဘူး။ ပညာရေးလောကသားတွေရဲ့ စိတ်နေစိတ်ထားကိုအတွင်းသိအစင်းသိဖြစ်နေတာကြောင့်ပါ။ ပညာသင်နှစ်ရဲ့အစမှာဆိုရင် ကျောင်း သူကျောင်းသားတွေကလည်း“ဒီနှစ်တော့ကြိုးစားလိုက်မယ်၊ ဘာမယ်၊ ညာမယ်”ဆိုတာမျိုးဖြစ်တတ် ကြလေ့ရှိပါတယ်။ ထိုနည်းတူပါပဲဆရာဆရာမတွေကလည်း “ဒီနှစ်တော့ အရင်နှစ်တွေကထက် ပိုကောင်းအောင် ကြိုးစားမယ်”ဆိုတဲ့ အနေအထားမျိုးဖြစ်လေ့ရှိတတ်ကြပါတယ်။ဒါ့ကြောင့်မို့မောင်ဒီပ က အဲဒီစိတ်ထားသဘောထားတွေပေါ်မှာ ဆောင်ရွက်မှုလေးတစ်ခုထပ်လောင်းဖြည့်စွက်အကြံပြုတင် ပြချင်တာပါ။
မောင်ဒီပတင်ပြမယ့်ကိစ္စဟာ အချို့သောကျောင်းအုပ်ကြီးများနဲ့ ဆရာဆရာမများအနေနဲ့ လည်း ဆောင်ရွက်ဖို့စီစဉ်ထားပြီးသားဖြစ်ဖို့လည်း များပါတယ်။ အဲဒါဆိုရင်တော့ “အချိုပေါ် သကာ လောင်း”တဲ့သဘောလို့မှတ်ယူကြစေချင်ပါတယ်။
ဒို့ဆရာဆရာမတွေမှာ“A teacher is many things”ဆရာဆိုတာအရာများစွာဆိုတဲ့ အတိုင်း မူလတာဝန်ကကို အတော်များကြပါတယ်။ဒီကြားထဲမှာ ထပ်ဆောင်းလာတဲ့အပိုဗာဟီရ ကိစ္စတွေက လည်းဝန်ပိပါသေးတယ်။ ဒါ့ကြောင့်စာသင်ဖြစ်ပေမယ့်စိတ်သင်ဖို့ကျတော့ လစ်ဟာသွားကြတာတွေ ရှိပါတယ်။
ဒီလိုလစ်ဟာသွားတဲ့အချက်တွေထဲမှာအရေးကြီးတာ တစ်ခုကိုဆွေးနွေးချင်တာပါ။ အဲဒါက တော့ “စည်းကမ်း”ကိစ္စပါပဲ။ ဒီစည်းကမ်းကိစ္စကိုပေါ့ပေါ့လေးမတွေးကြစေချင်ပါဘူး။ ဒို့ပညာရေးက “စိတ်ဓာတ်၊ စည်းကမ်း၊ ပညာ”လို့ ဘယ်လောက်ပဲပြောပြောပါ။လက်တွေ့ပိုင်းမှာတော့ စိတ်ဓာတ်ပိုင်း ရော စည်းကမ်းပိုင်းမှာပါ ရေစီးကမ်းပြိုလိုက်နေတာကြာပါပြီ။
ဒို့ဆရာဆရာမတွေဘက်ကလုပ်သလောက်တော့ လုပ်နေကြပါတယ်။ တကယ်ထိထိ ရောက် ရောက်ဖြစ်ဖြစ်မြောက်မြောက်လုပ်တဲ့ ဦးရေကနည်းနေပြီးစည်းကမ်းပိုင်းနဲ့ ပတ်သက်ရင် လျစ်လျူရှု ထားတဲ့ သူကအများစုဖြစ်နေတယ်။ တချို့က စိတ်တော့ရှိကြပါတယ်။လက်တွေ့တော့ မလုပ်ဖြစ်ကြ ပါဘူး။ တချို့ကျတော့ စိတ်လည်းမပါ လက်လည်းမပါကြပါဘူး။ ဒီတော့ကျောင်းသားလူငယ်တွေ စည်းကမ်းအရာမှာ ကတိမ်းကပါးဖြစ်နေတာ မဆန်းတော့ပါဘူး။
ဒို့ကျောင်းတွေအများစုစည်းကမ်းကောင်း မကောင်းဆိုတာဝေးဝေး သွားကြည့်နေစရာမလိုပါ ဘူး။ အရပ်ထဲမှာ လမ်းထဲမှာ၊ဈေးထဲမှာ၊ ဘတ်စ်ကားပေါ်မှာ၊ မီးရထားပေါ်မှာ၊ သင်္ဘောတွေပေါ်မှာ၊ ဌာနဆိုင်ရာရုံးတွေမှာ ဘယ်နေရာကြည့်ကြည့်အများစုကြီးကတော့စည်းမဲ့ကမ်းမဲ့ပရမ်းပတာတွေပဲ တွေ့ရမှာပါ။ စည်းနဲ့ကမ်းနဲ့ ကျကျနနဆိုတာမျိုးကတော့ရှိတော့ရှိတယ်ရှားတယ်ဆို တဲ့အထဲကဖြစ်နေ တာပါ။
ဘယ်လိုပဲပြောပြောအဲဒီတွေ့နေမြင်နေကြားနေကြရတဲ့ စည်းမဲ့ကမ်းမဲ့ပရမ်းပတာသမားတွေ အားလုံးဟာ ငယ်ငယ်ကတော့ကျောင်းနေဖူးခဲ့ကြတဲ့သူတွေချည်းဖြစ်မှာပါ။ သေချာတာကတော့ သူတို့တွေဟာ ကျောင်းနေစဉ်စည်းကမ်းလိုက်နာဖို့ကောင်းစွာလေ့ကျင့်သင်ကြားခံရမှု မရှိခဲ့ဘူးဆိုတာ ထင်ရှားနေပါတယ်။ ဒို့မြန်မာစကားမှာ“ငယ်ငယ်ကအစွဲ ခေါင်းထဲအထိပါတယ်” ဆိုတာရှိပါတယ်။ အလေ့အကျင့်ကောင်းတွေကို ငယ်ငယ်တုန်းကရရှိခဲ့မယ်ဆိုရင်တစ်လျှောက်လုံးသေတဲ့အထိပါ သွားကြမှာပါ။ အခုဟာက ပါတော့ပါတယ်မကောင်းတဲ့ စည်းမဲ့ကမ်းမဲ့အကျင့်စရိုက်တွေပါနေတာဖြစ် နေတယ်။
စည်းကမ်းမဲ့တဲ့အလေ့အထကဒို့မြန်မာ့လူ့ဘောင်မှာ၊ အတော်ကိုကြီးထွားနေပါတယ်။ လူ တချို့ဆိုတဲ့အဆင့်ကိုကျော်လွှားသွားပြီးမြန်မာတွေလို့ လူမျိုးနဲ့ချီပြီးသတ်မှတ်ခံရတဲ့ အဆင့်ရောက် နေပါပြီ။လူမျိုးရဲ့ပုံရိပ် (National Image) ကိုထိခိုက်တဲ့ အဆင့်ရောက်နေပါပြီ။ ဒို့တစ်တွေအလေးထားပြီး မပြုပြင်ကြရင်တော့ မျိုးဆက်သစ်တွေနဲ့အတူတိုင်းပြည်ရဲ့ အနာဂတ်ကရင်လေးစရာကောင်းလှပါတယ်။
ဒို့မြန်မာတွေရဲ့အထင်အရှားဆုံးနဲ့အဆိုးဆုံး စည်းကမ်းမဲ့တဲ့အပြုအမူတွေကတော့ “အမှိုက်ကို တွေ့ရာနေရာမှာစည်းမဲ့ကမ်းမဲ့ပစ်တတ်ကြတယ်။ ကွမ်းသွေးကိုလည်းကြုံရာနေရာမှာ အထိန်းအကွပ် မရှိထွေးတတ်ကြတယ်။အလုပ်လုပ်ကြရမှာလည်း အချိန်ကိုလေးစားမှုမရှိကြဘူး။ ဒါတွေက ထင်ရှား လွန်းနေတာကြောင့်ပြောစမှတ်ပြုစရာတွေတောင်ဖြစ်နေပါပြီ။”
အချိန်မလေးစားတဲ့သူတွေများတာကြောင့်“မြန်မာစံတော်ချိန်လေ”ဆိုပြီးတော့ ကိုယ့်လူမျိုး ကိုယ်ပြန်ပြီးတော့တောင်ရှုတ်ချ ဩဘာပေးနေကြသေးတယ်။အရင်တုန်းကတော့နိုင်ငံခြားသွားဖို့ဆို တာကလည်း လွယ်တာမှမဟုတ်တာ၊ ဒီတော့ပြည်တွင်းမှာပဲဖြစ်ချင်တိုင်းဖြစ်နေတာ၊ ခုကျတော့ အစိုးရဘက်ကလည်းအထိုက်အလျှောက် ပွင့်လင်းလာပြီဆိုတော့ပြည်ပမှာပါဒို့ရွှေမြန်မာတွေသွားပြီး အမျိုးဂုဏ်၊ ဇာတိဂုဏ်၊ တွေပြနေကြသလိုဖြစ်နေတယ်။
သတင်းစာတစ်စောင်ထဲမှာ ဖတ်လိုက်ဖူးတယ်၊ ကိုးရီးယားကဘူဖြောင်းမြို့ မှာရှိတဲ့ရပ်ကွက် တစ်ခုကလမ်းထဲမှာမြန်မာတွေအများစုနေကြတယ်တဲ့ အဲဒီလမ်းထဲမှာ မြန်မာတွေစည်းမဲ့ကမ်းမဲ့ ကွမ်းသွေးတွေထွေးလွန်းတာကြောင့်လမ်းကိုတောင်“လမ်းနီလေး”လို့ နာမည်ပြောင်နဲ့ခေါ်နေကြတယ တဲ့။ ပြီးတော့ အဲဒီလမ်းထဲမှာနေတဲ့ ကိုရီးယားတွေကကွမ်းသွေးတိုက်ဖျက်ရေးအတွက်လမ်းသန့်ရှင် ရေး Campaign လုပ်ကြတယ်ဆိုတဲ့ သတင်းပါပဲ။ ရှက်စရာကောင်းလိုက်တာ။
စင်ကာပူမှာလည်းမြန်မာတွေကွမ်းသွေးထွေးလို့ အမှိုက်ပစ်လို့မကြာခဏ ဒဏ်ရိုက်ခံရတယ် ဆိုတာလည်း ဖတ်လိုက်ရတယ်။မြန်မာနိုင်ငံ သုတေသနအဖွဲ့ရဲ့အငြိမ်းစားညွှန်ကြားရေးမှူးချုပ် ဆရာကြီး ဦးမြင့်ဟန်ရဲ့ဟောပြောပွဲတစ်ခုမှာလည်း“စင်ကာပူရောက်တော့ နေရာတကာ သန့်ပြန့်နေ တာတွေ့ရတယ်။ စည်းကမ်းလည်းအလွန်ကောင်းကြတယ်။အစားအသောက်ဝယ်တာ တောင်တန်းစီ ပြီးဝယ်ကြတယ်။ ဒါပေမဲ့ ကုန်တိုက်ကြီးတစ်ခုမှာ မြန်မာတွေရောင်းတဲ့ဝယ်တဲ့အထပ်တစ်ထပ်ရှိတယ်။ အဲဒီရောက်တော့မှပဲ ကွမ်းသွေးကို အမှိုက်တို့ဆိုတာတွေ့ရတော့တယ်။ ရှက်စရာကောင်းလိုက်တာ။ဒီလိုဖြစ်နေတာတွေဟာ ငါတို့ပညာရေးသမားတွေရဲ့ တာဝန်မကင်းဘူးလို့လည်းတွေးမိသွားတယ်” ဆိုတာမျိုးပြောတာကိုနားထောင်မှတ်သားခဲ့ရဖူးပါတယ်။
အိန္ဒိယနိုင်ငံနယူးဒေလီကို ရောက်သွားတဲ့မြန်မာတစ်ဦးရေးသားတဲ့ ဆောင်းပါးတစ်ပုဒ်လည်း ဖတ်ဖူးပါတယ်။အိန္ဒိယသားတွေလည်းကွမ်းစားကြပါသတဲ့။ ဒါပေမဲ့သူတို့နေတဲ့နေရာတွေမှာ ကွမ်း သွေးထွေးထားတာမတွေ့ရပါဘူးတဲ့။အဲမြန်မာတွေအများစုနေကြတဲ့ တိုက်ခန်းကိုရောက်တော့မှပဲ ကွမ်းသွေးတွေစည်းကမ်းမဲ့ထွေးထားတာတွေ့ရပါသတဲ့။
ကိုမြအေး၊မမြအေးတို့ရေ.. ဒါတွေရေးပြရတာ စိတ်နှလုံးမချမ်းမြေ့လှပါဘူး။ ဘယ်သူ့ကိုမှ လည်းအပြစ်ပြောချင်တာမဟုတ်ပါဘူး။ ဒါပေမဲ့အဖြစ်ကတော့ အဖြစ်မှန်တွေပါ။ ဒီတော့ ဆရာကြီး ဦးမြင့်ဟန်ပြောသလိုပါပဲဒို့ပညာရေးသမားတွေအတွက်တော့ “မပြေးသော်လည်းကန်ရာကတော့ရှိ နေတာအမှန်ပါ။ ဒီကိစ္စကို ဒို့ပညာရေးသမားတွေကပဲအလေးထားဆောင်ရွက်ရမှာပါ။”
မြန်မာအဘိဓာန်မှာတော့“စည်းကမ်းဆိုတာ စောင့်ထိန်းလိုက်နာရမည့် ကျင့်ဝတ်လို့ဆိုထားပါ တယ်။”တကယ်တော့စည်းကမ်းဆိုတာအောင်မြင်မှုပန်းတိုင်ကိုသွားတဲ့နည်းလမ်းတွေပါ။ ရဲရဲကြီးကျင့် သုံးကြပါစေ။ စည်းကမ်းဆိုတာအောင်မြင်မှုပန်းတိုင်ကိုတက်တဲ့လှေကားထစ်တွေပါ။ ပျော်ပျော်ကြီး နင်းတက်ကြပါစေ။ စည်းကမ်းဆိုတာချုပ်နှောင်ရန်အချက်မဟုတ်၊အလုပ်အောင်ရန်အတွက်သာ ဖြစ် သည်တဲ့။ လိုလိုလားလားကြီး လိုက်နာကြပါစေ။ တစ်ဆက်တည်းမှာပဲ“စည်းကမ်းဖောက်လို့ ထီးနန်း ပျောက်တယ်”ဆိုတာလေးလည်း အသိပေးကြစေချင်ပါတယ်။
မြန်မာပညာရှိဆရာကြီးမင်းသုဝဏ်ရဲ့ကဗျာလေးနဲ့ နိဂုံးချုပ်ပါရစေ “စည်းအတွင်းမှာနေ၊ ကင်းပေလိမ့်ရန်ဘေး။ကမ်းကိုကျော် ချော်ကာကျ၊ များလှရန်ဘေး”ပါတဲ့။ ဒို့တပည့်လေးတွေရဲ့ ရှေ့ရေးကိုမျှော်တွေးပြီးဒီပညာသင်နှစ် အစကစပြီးလိုက်နာသင့်တဲ့၊ လိုလားအပ်တဲ့စည်းကမ်းတွေကို ဒို့တပည့်လေးများအလေ့အကျင့်ကောင်း၊အဖြစ်စွဲမြဲသွားအောင်ဇောင်းပေး ဆောင်ရွက်ကြပါမယ့် အရေး… လေးလေးစားစားနဲ့တိုက်တွန်းရပါတယ်။
သက်ဆိုင်သူအားလုံးတွေးချိန်ချင့်နိုင်ကြပါစေကြောင်း။
မောင်ဒီပ(ပညာရေး)
