လူနှင့်ဆိုင်ရာကျင့်ဝတ်များကို ကောင်းစွာသင်ကြားနားလည်စေ
နဝမမြောက်မင်္ဂလာက “ဝိနယောစသုသိက္ခိတော”ဆိုတဲ့ မင်္ဂလာပါ။ ကိုယ်ကျင့်ဝိနည်းစည်းကမ်းများ နားလည်တတ်မြောက်အောင် သင်ယူခြင်း၊ လိုက်နာကျင့်ကြံခြင်းတို့သည် မြတ်သောမင်္ဂလာမည်၏ပါတဲ့။ “ဝိနယောစ”ဆိုတာ “ဝိနည်း”ကို ပြောတာပါ။ “ဝိနည်း”ဆိုတာကလည်း “ကျင့်ဝတ်၊ စည်းကမ်း”လို့အဓိပ္ပာယ်ရပါတယ်။ ဆရာကြီးဒဂုန်ဦးထွန်းမြင့်ကတော့ “လူနှင့်ဆိုင်ရာကျင့်ဝတ်များကို ကောင်းစွာသင်ကြားနားလည်စေ”လို့ဆိုထားပါတယ်။
ဒီနဝမမြောက်မင်္ဂလာနဲ့ပြည့်စုံအောင်လေ့ကျင့်လိုက်နာလိုက်မယ်ဆိုရင်တကယ့်ကိုတန်ဖိုးရှိတဲ့ လူပီပီသသဖြစ်လာမှာပါ။ ရှေ့ပိုင်းက “ဗာဟုသစ္စဉ္စ”(တတ်ကောင်းတတ်ရာဟူသမျှကိုကြားမြင်သုတ ရှိပါစေ)ကြောင့် “အသိပညာ”နဲ့ ပြည့်စုံခဲ့ပါပြီ။ “သိပ္ပဉ္စ”(အိုးအိမ်တည်ထောင်ဝမ်းစာရေးနဲ့အသက်မွေးဖို့ အတတ်သင်လေ)ကြောင့် “အတတ်ပညာ”နဲ့လည်း ပြည့်စုံခဲ့ပါပြီ။ တန်ဖိုးရှိတဲ့လူပီပီသသဖြစ်ရေးအတွက် ထပ်ဖြည့်ရမှာက ဒီ “ဝိနယောစ”(လူနှင့်ဆိုင်ရာကျင့်ဝတ်များကို ကောင်းစွာသင်ကြားနားလည်စေ)ပါပဲ။ လူ့ကျင့်ဝတ်၊ လူ့စည်းကမ်းတွေကို သိရှိလိုက်နာကျင့်ကြံတယ်ဆိုတာ“ကိုယ်ကျင့်သီလ”စောင့်ထိန်းခြင်းကို ဆိုလိုတာပါ။
လူသားတစ်ယောက်အတွက်“အသိပညာ”နဲ့ “အတတ်ပညာ”ပြည့်စုံကြွယ်ဝဖို့ အရေးကြီးပါ တယ်။ သို့ပေမယ့် အဲဒီပုဂ္ဂိုလ်ကအကျင့်သီလမဲ့နေရင်တော့လောကအတွက်အလွန် အန္တရာယ်ကြီး ပါတယ်။ သူ့တစ်ကိုယ်ကောင်းဖို့ အတ္တလောဘဆန္ဒတွေပြည့်စုံဖို့အတွက်သာသူရဲ့ဉာဏ်ပညာကို အသုံးချသွားရင် ပတ်ဝန်းကျင်နဲ့လောကအတွက်ကတော့ ဒုက္ခပင်လယ်ဝေသွားမှာပါ။ပညာတော်ပြီး ကိုယ်ကျင့်သီလချို့ယွင်းခဲ့ရင် “လူတော်မကောင်း”စာရင်းဝင်သွားမှာပါ။ လူတော်မကောင်းတွေကသာလောကကိုအန္တရာယ်အကြီးကြီးပေးနိုင်ကြတာပါ။
ထိုနည်းတူပါပဲ လူတစ်ယောက်ဟာ ပင်ကိုရိုးသားတဲ့စိတ်ရင်းရှိတယ်။သို့ပေမဲ့ ကျင့်ဝတ် စည်းကမ်းတွေ၊ ဥပဒေတွေကို နားမလည်ဘူးဆိုရင်လည်း အဲဒီစည်းကမ်းဥပဒေတွေကိုချိုးဖောက် မိမှန်းမသိဘဲနဲ့ ချိုးဖောက်မိနေတတ်ပါတယ်။ ဒါ့ကြောင့် ဆုံးရှုံးမှုတွေဖြစ်နိုင်ပါတယ်။စည်းကမ်း ဥပဒေတွေကို သိရှိလိုက်တတ်တဲ့အကျင့်သီလနဲ့ပြည့်စုံသော်လည်း အသိပညာအတတ်ပညာချို့တဲ့နေပြန်ရင် မပြည့်စုံပြန်ပါဘူး။ သူတို့ရဲ့အသိပညာနဲ့အတတ်ပညာချို့တဲ့မှုကြောင့် စေတနာအမှားဆိုတာမျိုးတွေ ဖြစ်လာတတ်ပါတယ်။
ဒါကြောင့်မို့ ကိုမြအေး၊ မမြအေးတို့အနေနဲ့တပည့်လေးတွေကိုသွန်သင်ပြုပြင် လေ့ကျင့် ပျိုးထောင်ပေးတဲ့အခါမှာ အသိပညာ၊ အတတ်ပညာနဲ့အကျင့်သီလာပါပြည့်စုံမှသာ မိမိအကျိုးနဲ့ ပတ်ဝန်းကျင်လောကအကျိုးကို ထမ်းဆောင်နိုင်မယ်ဆိုတာသေသေချာချာ သဘောပေါက်နားလည် အောင် သင်ကြားပေးကြစေချင်ပါတယ်။
ဘက်စုံပြည့်စုံတဲ့သူဖြစ်ဖို့ဆိုရင် ပညာရောသီလပါနှစ်ပါးလုံးဖြည့်ဆည်းထားဖို့ အရေးကြီး ပါတယ်။ ပညာကို သီလနဲ့ထိန်းကျောင်းရသလို သီလကိုလည်း ပညာဖြင့်ဆေးကြောစင်ကြယ်စေရမှာပါ။
ကိုမြအေး၊ မမြအေးတို့ရဲ့ တပည့်လေးတွေ လူလားမမြောက်ခင်အရွယ်ကတည်းကသိသင့် သိထိုက်တဲ့ကျင့်ဝတ်တွေကို ကောင်းစွာသိနားလည်ဖို့နဲ့ စွဲစွဲမြဲမြဲလိုက်နာကျင့်ကြံဖြစ်အောင်ပျိုးထောင် ပေးထားကြရမှာပါ။ လူသားတစ်ယောက်အတွက် သိသင့်သိထိုက်တဲ့၊ လိုက်နာကျင့်ကြံရမယ့်ကျင့် ဝတ်၊ စည်းကမ်း၊ ဥပဒေတွေကတော့ များလှပါတယ်။
ဒီများပြားလှတဲ့ လူ့ကျင့်ဝတ်တွေထဲကမှ ကလေးဘဝကတည်းကရင်းနှီးကျွမ်းဝင်နေသင့်တဲ့ ကျင့်ဝတ်တချို့ကိုတော့ မဖြစ်မနေလေ့ကျင့်ပေးလိုက်ရမှာပါ။မြန်မာစကားမှာ “ငယ်ငယ်ကအစွဲခေါင်း ထဲအထိပါတယ်”ဆိုတာ ရှိသမို့လား။ ကောင်းတာဖြစ်ဖြစ်၊ဆိုးတာဖြစ်ဖြစ် ခပ်ငယ်ငယ် ကလေး ဘဝကတည်း စွဲနေတဲ့အကျင့်စရိုက်တွေဟာ ကြီးပြင်းလာတဲ့အထိဖျောက်ဖျက်မရဘဲ စွဲနေတတ်ပါ တယ်။ ဘယ်လောက်ထိစွဲလဲဆိုတော့သေတဲ့ (ခေါင်းတလားထဲ)အထိ ပါသွားတတ်ပါတယ်။
ဒါ့ကြောင့်တပည့်လေးတွေကို သင်ပေးရမဲ့အထဲမှာ ပထမဦးဆုံးကတော့
“တပည့်ဝတ်ငါးပါး”
ညီညာထကြွ၊
ဆုံးမနာယူ၊
လာမူကြိုဆီး၊
ထံနီးလုပ်ကျွေး၊
သင်တွေးအံရွတ်၊
တပည့်ဝတ်၊မချွတ်ငါးခုသာ။
ဒီကဗျာပြီးတော့သူတို့လေးတွေဟာ ကျောင်းမှာတပည့်တွေဖြစ်ကြသလို အိမ်မှာကျတော့ သားသမီးလေးတွေဖြစ်ကြပါတယ်။ဒါ့ကြောင့်နောက်ထပ်တစ်ခု။
“သားသမီးဝတ်ငါးပါး”
ကျွေးမွေးမပျက်၊
ဆောင်ရွက်စီမံ၊
မွေခံထိုက်စေ၊
လှူမျှဝေ၍၊
စောင့်လေမျိုးနွယ်၊
ဝတ်ငါးသွယ်၊
ကျင့်ဖွယ်သားတို့တာ။
ပြီးတော့ မဖြစ်မနေနောက်ထပ်သင်ပေးသင့်တဲ့တစ်ခုလည်းရှိပါသေးတယ်။ အဲဒါကလည်း အရေးကြီးပါတယ်။ တပည့်လေးတွေအတွက်ကျောင်းမှာရောအရပ်ထဲမှာပါ သူငယ်ချင်းအပေါင်းအသင်းတွေ ရှိကြမှာပါ။ ဒါ့ကြောင့် ထပ်ပေးသင့်တဲ့နောက်တစ်ခုက။
“မိတ်ဆွေဝတ်ငါးပါး”
ပေးကမ်းချီးမြှင့်၊
ကိုယ်နှင့်ယှဉ်ထား၊
စီးပွားဆောင်ရွက်၊
နှုတ်မြွက်ချိုသာ၊
သစ္စာမှန်စေ၊
ဝတ်ငါးထွေ၊
ကျင့်လေမိတ်သဟာ။ ပါတဲ့။
ဒီကဗျာတွေအားလုံးဟာ မြတ်စွာဘုရားဟောကြားတော်မူတဲ့“သိင်္ဂါလောဝါဒသုတ်”လာ ကျင့်ဝတ်တွေကို စပ်ဆိုထားတာတွေပါ။ အဲဒီသုတ်တော်ထဲမှာပဲ ဟောကြားထားတဲ့တခြားကျင့်ဝတ် တွေလည်း အများကြီးရှိပါသေးတယ်။ ဒီဆောင်းပါးမှာတော့ နေရာအကန့်အသတ်ကြောင့် မဖော်ပြတော့ပါဘူး။ ဒါပေမဲ့ “ဆရာဝတ်”နဲ့ “မိဘဝတ်”တွေလောက်တော့ ကိုမြအေး၊ မမြအေးတို့က မဖြစ်မနေသင်ပေးကြစေချင်ပါတယ်။
ပြီးတော့ တပည့်လေးတွေကို ကျင့်ဝတ်လိုက်နာခြင်းဟာတစ်နည်းအားဖြင့် စည်းကမ်း လိုက်နာခြင်းသာဖြစ်တယ်။ စည်းကမ်းလိုက်နာမှုကောင်းတဲ့သူဟာ ဘဝမှာတိုးတက်ကြီးပွားရန် အခြေ အနေကောင်းများဖြစ်ကြောင်း၊ “စည်းကမ်းလိုက်နာဘေးကင်းကွာ၊စည်းကမ်းသည် လူ၏တန်ဖိုး၊ စည်းကမ်းရှိမှတိုးတက်မည်”စတဲ့ဆောင်ပုဒ်တွေနဲ့ သွန်သင်ပေးနိုင်ပါတယ်။စည်းကမ်းကတစ်ဆင့် စည်းမျဉ်းဥပဒေတွေကိုပါ လေးစားလိုက်နာတတ်အောင် သွန်သင်ပေးကြရမှာပါ။
အဲဒီကမှတစ်ဆင့်ထပ်တက်ပြီးစည်းကမ်း၊ စည်းမျဉ်း၊ ဥပဒေများကို လိုက်နာခြင်းဟာ တစ် နည်းအားဖြင့်ကိုယ်ကျင့်သီလကိုဆောက်တည်ထိန်းသိမ်းခြင်း အဆင့်ရောက် သွားတာဖြစ်ကြောင်း ရှင်းပြပေးကြစေချင်ပါတယ်။ ဥစ္စာရှိသည်ဖြစ်စေ၊ရာထူးရှိသည်ဖြစ်စေ၊ ပညာတတ်သည်ဖြစ်စေ၊ အမျိုး မြတ်သည်ဖြစ်စေ၊ ကိုယ်ကျင့်သီလမရှိရင်တော့ဒီဘဝမှာလည်းလူတွေရဲ့ ကဲ့ရဲ့ရှုတ်ချခြင်းခံ ရမယ်။ နောင်ဘဝအတွက်လည်းလားရာသုဂတိမကောင်းနိုင်ပါဘူး။
ကိုယ်ကျင့်သီလပျက်ယွင်းလို့ အများပြည်သူတွေရဲ့ရှုတ်ချပြစ်တင်ခံသွားရတဲ့ အမျိုးမြတ်၊ ပညာတတ်ပုဏ္ဏားကြီးတစ်ယောက်အကြောင်း ပြောပြနိုင်ပါတယ်။ငါးရာ့ငါးဆယ်ဇာတ်တော်တွေထဲက “ဧကနိပါတ်၊ သီလဝီမံသ” ဇာတ်တော်ထဲက အကြောင်းပါ။
တစ်ခါတုန်းက “ဗာရာဏသီ”မြို့မှာမင်းဆရာ ပရောဟိတပုဏ္ဏားကြီးတစ်ယောက်ရှိပါတယ်။သူကအမျိုးကလည်းမြတ်တယ်၊ ဗေဒင်သုံးပုံကိုလည်း တဖက်ကမ်းခတ်တတ်မြောက်တယ်။ တတ် လွန်းလို့တပည့်တွေအများကြီးကိုလည်း သင်ပေးနေရတယ်။ ဘုရင်မင်းမြတ်နှင့်တကွအများပြည် သူတွေကလည်းချစ်ခင်လေးစားမှုရှိကြတယ်တဲ့။ လူ့ဘဝအရတော်လေစွလို့ ပြောလောက်တာပေါ့။
ဒါပေမဲ့တစ်နေ့မှာတော့ ပရောဟိတ်ကြီးဟာ အိမ်နီးချင်းရွှေပန်းထိမ်ဆရာအိမ်မှာရွှေတုံး တွေတွေ့ရတယ်။ ပန်းထိမ်ဆရာကလည်း အမျိုးမြတ်၊ ပညာရှိမင်းဆရာပုဏ္ဏားဆိုတော့ ယုံကြည်မှာပေါ့လေ။ သို့ပေမဲ့ ပန်းထိမ်ဆရာအလစ်မှာ ပုဏ္ဏာကြီးက ရွှေတုံးတစ်တုံးကို ယူသွားတယ်။ နောက်တစ်နေ့လည်း ပန်းတိမ်ဆရာအလစ်မှာ ပုဏ္ဏားကြီးက ရွှေတုံးတစ်တုံးကို ယူသွားတယ်။ နောက် တစ်နေ့လည်းပန်းထိမ်ဆရာ့အိမ်ကို ပုဏ္ဏားကြီးရောက်လာပြီး ရွှေတုံးတစ်တုံးပျောက်ပြန်တယ်။ တတိယနေ့မှာတော့ပန်းထိမ်ဆရာကချောင်းဖမ်းတာကြောင့် ပုဏ္ဏားကြီးရွှေတုံးခိုးတာ လက်ပူးလက် ကြပ်မိသွားတယ်။
အဲဒီအဖြစ်အပျက်ကိုအိမ်နီးချင်းတွေကတစ်ဆင့် ရပ်ကျော်ရွာကျော်ဖြစ်သွားတယ်။ နောက် ဆုံးဘုရင့်နားပေါက်ကြားပြီးစစ်ဆေးအရေးယူခံရတယ်။ ယခင်ကြည်ညိုခဲ့တဲ့ပြည်သူတွေကလည်း ခုတော့ဝိုင်းပြီးရှုတ်ချကြတယ်။အကျင့်သီလပျက်ယွင်းတာကိုတော့ အမျိုးမြတ်တာကလည်း မကာ ကွယ်နိုင်ဘူး။ ပညာတတ်တာကလည်း မစောင့်ရှောက်နိုင်ဘူးဆိုတာ ပုဏ္ဏားကြီးတွေ့သိသွားတယ်။ဒါ့ကြောင့်ကျန်တဲ့ဘဝကိုတော့ ရသေ့ဝတ်ပြီးတရားအားထုတ်၊ သီလဆောက်တည်ပြီး နေသွားတော့ တယ်လို့ဆိုပါတယ်။ “ဝိနယောစ”မင်္ဂလာနဲ့ ပြည့်စုံဖို့အရေးကြီးတယ်ဆိုတာ…..။
သက်ဆိုင်သူအားလုံးတွေးချိန်ချင့်နိုင်ကြပါစေကြောင်း…။
မောင်ဒီပ(ပညာရေး)
