ဆရာစိတ်ဖြင့်ဆရာလုပ်ချင်သူများကို လေးစားပါတယ်
(၁)
“ဟဲလို၊ ဆရာအောင်ခိုင်မြင့်ပါလား”
“ဟုတ်ကဲ့ပါ”
“ဒီနေ့မနက်ဆရာအိမ်မှာရှိပါသလား၊ ဆရာနဲ့တိုင်ပင်စရာရှိလို့ပါ။အရင်လိပ်စာပဲမို့လား၊ ၉နာရီ အရောက်လာခဲ့ပါမယ်”
ဒဂုံမြို့နယ်ပညာရေးမှူးရုံးအဆောက်အအုံမှာနေတုန်းက ဟိုဘက်အခန်း၊ဒီဘက်အခန်းနေခဲ့ ကြတဲ့လက်ထောက်မြို့နယ် ပညာရေးမှူးဆရာဦးမြင့်စိုးပါ။ ပင်စင်ယူပြီးကတည်းကမတွေ့ကြရတာ၊ ၁၀နှစ်လောက်ရှိပြီ။ ဖုန်းနံပါတ်နဲ့လိပ်စာကို မိတ်ဆွေတစ်ယောက်ဆီကရလို့လား။
ဆရာကအချိန်တိကျတယ်ခင်ဗျ။ ၉နာရီတိတိမှာ ဆိုက်ဆိုက်မြိုက်မြိုက်ရောက်လာပါတယ်။
“လူချင်းသာမတွေ့ကြရတာ၊ပြီးခဲ့တဲ့လက တီဗီမှာဆရာ့ကိုတွေ့လိုက်ရပါတယ်။ ဆရာကြီး ဦးသန်းဦး၊ ဆရာကြီးဦးတင်ညိုတို့နဲ့အတူမိဘဆရာအသင်းအကြောင်းဆွေးနွေးကြတာလေ၊ ပြီးတော့ ဆရာရေးတဲ့စာတွေကိုလည်း ပညာပဒေသာဂျာနယ်မှာဗုဒ္ဓဟူးနေ့တိုင်းဖတ်ရတာ၊ ဆရာကရေးအား ကောင်းတယ်၊ ဆရာဆရာမတွေအတွက် အကျိုးရှိပါတယ်။”
“ပင်စင်ယူပြီးနောက်ကိုယ်တွေ့ကြုံခဲ့ရတဲ့အတွေ့အကြုံတွေကိုပြန်ရေးတာများပါတယ်၊ ပညာ ရေးဌာနအတွက် တစ်ထောင့်တစ်နေရာမှာအကျိုးရှိသွားရင်ပီတိဖြစ်ရတာပါပဲ။ကဲဆိုပါဦး၊ တကူးတက လာရတဲ့အကြောင်းကို”
“ကျွန်တော့်တပည့် ဆရာမတစ်ယောက်ရှိတယ်၊ လွန်ခဲ့တဲ့၆နှစ်လောက်က ဆေးပင်စင်ယူ ခဲ့တယ်။ သူက အခုကျန်းမာရေးပြန်ကောင်းလာတော့ ဆရာမပြန်လုပ်ချင်တယ်တဲ့လေ။အဲဒါဖြစ်နိုင် မဖြစ်နိုင်ကျွန်တော်တို့ကို အကူအညီလာတောင်းတယ်။ ကျောင်းစာရေးကြီးတစ်ယောက်ပြောတာကတော့ ဖြစ်နိုင်တယ်တဲ့၊ သူက “နိုင်ငံဝန်ထမ်းဥပဒေ ၂၀၁၃ စာအုပ်တစ်အုပ်တောင်လက်ဆောင် ပေးလိုက်သေးတယ်။အဲဒီစာအုပ်ထဲမှာပါတယ်တဲ့၊ အသေးစိတ်သိရအောင်ဆရာကြီးနဲ့ လာပြီးတိုင်ပင် တာပါ”ဆိုပြီး“နိုင်ငံဝန်ထမ်းဥပဒေ”စာအုပ်အခန်း(၁၂) အငြိမ်းစားယူခြင်းနှင့်စပ်လျဉ်းသည့်အချက်များ၊ပုဒ်မ၆၅ကို ဖတ်ကြည့်ကြပါတယ်။
“လျော်ကြေး ပင်စင်သို့မဟုတ်နာမကျန်းပင်စင်ယူပြီးနောက်ဝန်ထမ်းအဖြစ်ပြန်လည် ခန့်ထား ခြင်းခံရသူသည် လုပ်သက်ဆုငွေကိုပြန်လည်အမ်းလျှင် သို့မဟုတ်ပင်စင်လစာကို ပြန်ခန့်ချိန်၌ ရပ်ဆိုင်းထားလျှင် ထိုဝန်ထမ်း ယခင်ထမ်းဆောင်ခဲ့သည့် လုပ်သက်ကာလကိုလည်းကောင်း၊ရာထူးမှ ထုတ်ပယ်ခြင်း သို့မဟုတ် ဝန်ထမ်းအဖြစ်မှ ထုတ်ပယ်ခြင်းခံရပြီးနောက် ပြစ်ဒဏ်ပြန်လည်သုံးသပ်ခြင်းကြောင့်ဖြစ်စေ၊ ဝန်ထမ်းကအယူခံ၍ဖြစ်စေ၊ ပြန်လည်ခန့်ထားခြင်းခံရပါက ထိုဝန်ထမ်း၏ယခင်ထမ်းဆောင်ခဲ့သည့်လုပ်သက်ကာလကိုလည်းကောင်း၊ ပင်စင်အလို့ငှာ ထည့်သွင်းရေတွက်ခွင့်ပြုနိုင်သည်”လို့ဖော်ပြထားတာကို တွေ့ရပါတယ်။
ဒီအတိုင်းဆို နာမကျန်းပင်စင်ယူပြီးဝန်ထမ်းတွေ၊ကျန်းမာရေးပြန်လည်ကောင်းပြီး ဆရာဝန် ထောက်ခံချက်နဲ့ဆိုရင်အလုပ်ပြန်ခန့်လို့ရတဲ့သဘောပါ။ဒီကိစ္စကိုဝန်ထမ်းတော်တော်များများ မသိ ကြပါဘူးခင်ဗျ။
(၂)
ကျွန်တော်သတိတစ်ချက်ထားမိတယ်။ ဥပဒေကို ထုတ်ပြန်ပြီးရင်နည်းဥပဒေကိုဆက်လက်ထုတ်ရတယ်။ ဘယ်လိုအကောင်အထည်ဖော်ရမယ်ဆိုတာက နည်းဥပဒေမှာပါတာ။
“ဆရာဦးမြင့်စိုး၊ ကော်ဖီသောက်ရင်း ခဏစောင့်နော်၊ကျွန်တော်နိုင်ငံဝန်ထမ်းနည်းဥပဒေများ စာအုပ်ရှာလိုက်ဦးမယ်။ ကျွန်တော့်မှာရှိတယ်။ နည်းဥပဒေမှာတော့အသေးစိတ်ဖော်ပြနိုင်တယ်။တစ်ခါ တည်းသိသွားရတာပါ”
ကျွန်တော်စာအုပ်စင်မှာနိုင်ငံဝန်ထမ်းဥပဒေစာအုပ်နဲ့နိုင်ငံဝန်ထမ်းနည်းဥပဒေများ (၂၀၁၄) စာအုပ်၊ နှစ်အုပ်စလုံးတွေ့ပါတယ်။ နိုင်ငံဝန်ထမ်းနည်းဥပဒေများ၊အခန်း ၂၁ အငြိမ်းစားယူခြင်း၊ ပုဒ်မ ၂၄၀ မှာအခုလိုဖော်ပြထားတာကို တွေ့ရပါတယ်။
“နာမကျန်းပင်စင်ရရှိခံစားရသော အငြိမ်းစားတစ်ဦးကိုကျန်းမာရေးအခြေအနေပြန်လည် ကောင်းမွန်လာ၍ နိုင်ငံတာဝန်ပြန်လည်ထမ်းဆောင်ခြင်းအား တားမြစ်ခြင်းမရှိသော်လည်းနာမကျန်း ပင်စင်ယူစဉ်ကဝန်ထမ်း၏မကျန်းမာမှုသည် တာဝန်ထမ်းဆောင်စဉ်ဖြစ်ပေါ်နေသော အခြေအနေကြောင့်ခွင့်ပြုခြင်းဖြစ်ကြောင်းဖော်ပြထားလျှင်၊ ယင်းဝန်ထမ်းတာဝန်ပြန်လည် တာဝန်ထမ်းဆောင်သည့်အခါမူလထမ်းဆောင်ခဲ့သည့်ဌာနတွင် ပြန်လည်တာဝန်ထမ်းဆောင်ခွင့်မရှိပါ။” သို့ရာတွင်အခြားနေရာဌာနများ၌ တာဝန်ထမ်းဆောင်ခွင့်ရှိသည်။ နာမကျန်းပင်စင်ရရှိခံစားနေသော အငြိမ်းစားတစ်ဦးပြန်လည်တာဝန် ထမ်းဆောင်ပါက နည်းဥပဒေ ၂၃၇ နှင့် ၂၃၈ ပါအတိုင်းလုပ်သက်ကို တွက်ချက် ရမည်”လို့ဖော်ပြထားတာကို တွေ့ရပါတယ်။
“ကဲ ဆရာဦးမြင့်စိုးရေ၊ နိုင်ငံဝန်ထမ်းနည်းဥပဒေများအရတော့မူလထမ်းဆောင်ခဲ့တဲ့ ဌာနများ ပြန်လည်တာဝန်ထမ်းဆောင်ခွင့်မရှိဘူးတဲ့၊ ဆရာ့တပည့်ကကျောင်းဆရာမပဲလုပ်ချင်တာဆိုတော့ အဆင်ပြေမှာမဟုတ်ဘူးလေ။ သူနားလည်အောင်တော့ ပြန်ပြောပြပေါ့”
“ဘယ်တတ်နိုင်မလဲဆရာကြီးရယ်၊ သူက ကလေးတစ်ဖက်နဲ့ဆိုတော့တခြားအလုပ်တွေကဘယ်လုပ်နိုင်ပါ့မလဲ။ ကိုယ်တတ်နိုင်သလောက်ကူညီစုံစမ်းပေးရတာပါ။ ကျွန်တော်တို့အတွက်လည်းဗဟုသုတရတာပေါ့၊ ဆေးပင်စင်ယူပြီးဝန်ထမ်းတစ်ယောက်ကို ပြန်ခန့်နိုင်တယ်ဆိုတာအခုမှသိတာပါ။ဆရာကြီးကလည်းဟိုစာအုပ်ရှာ၊ ဒီစာအုပ်ရှာနဲ့ပင်ပန်းသွားပြီး၊ ကျွန်တော်တို့ပြန်ခွင့်ပြုပါဦး”ဆိုပြီးနှုတ်ဆက်ပြန်သွားပါတယ်။
(၃)
အခုတလောဆရာဆရာမတာဝန်ထမ်းဆောင်ချင်တဲ့ မိတ်ဆွေတွေကိုတွေ့ရတယ်ခင်ဗျ။တချို့ ကအငြိမ်းစားယူပြီးသူတွေ၊ တချို့ကဆရာဘဝကနုတ်ထွက်ထားသူတွေ၊ တချို့ကပညာရေးကောလိပ်နဲ့ပညာရေးတက္ကသိုလ်ဆင်းတွေ(ခန့်စဉ်အခါကနေရာမကြိုက်တဲ့အတွက် အလုပ်မဝင်ဘဲနေခဲ့သူတွေ) ကကျောင်းဆရာလုပ်ချင်တဲ့အတွက် အကြံဉာဏ်တွေတောင်းကြ၊ အကူအညီတွေတောင်းကြပေါ့။ ကျွန်တော်တို့လည်းကိုယ်တတ်စွမ်းသလောက်နှုတ်၏စောင်မခြင်း၊လက်၏စောင်မခြင်းတွေနဲ့ ကူညီခဲ့ ကြရပါတယ်။
သက်ပြည့်ပင်စင်နဲ့ နှစ်၃၀ပြည့်ပင်စင်စားကြီးတွေကတော့ပုဂ္ဂလိကကျောင်းတွေ၊ Internat ional School တွေမှာဝင်ရောက်လုပ်ကိုင်ကြတယ်။ တချို့တတ်နိုင်သူတွေကတော့ပုဂ္ဂလိကကျောင်း တွေထောင်ကြသဗျ။ တချို့ကမူလတန်းကြိုကျောင်းတွေထောင်ကြ၊ တချို့ကျတော့လည်းကျူရှင်တို့ ဝိုင်းတို့ဂိုက်တို့လုပ်ကြတာတွေတွေ့နေရပါတယ်။ ကိုယ်ကျွမ်းကျင်ရာ၊ ဝါသနာပါရာလုပ်ကြတာပါ။သေချာတာတစ်ခုကတော့ ကျောင်းဆရာတွေဆိုတာ ဘယ်နေရာရောက်ရောက် စာသင်ချင်တဲ့စိတ်နိုး ကြားနေတတ်စမြဲလေ။ကလေးမြင်ရင်စာသင်ချင်တယ်၊ ဆုံးမချင်တယ်၊ မတော်တာမြင်ရင်သွန်သင် ချင်တယ်။ ဒါ့ကြောင့်တချို့ကပြောကြတယ်၊ကျောင်းဆရာတွေဟာ လူတွေ့ရင်သူ့တပည့်ပဲလို့ထင် နေတတ်ကြတာတဲ့။
ကျွန်တော့်သူငယ်ချင်း ဆရာမကြီးတစ်ယောက်တော့ပုဂ္ဂလိကကျောင်းမှာကျောင်းအုပ်တာဝန် ယူနေရာကထွက်လိုက်ကြောင်း ဖုန်းဆက်ပြောပါတယ်။ ကိုယ်ဝါသနာပါတဲ့အလုပ်ကိုလည်းလုပ်ရ တယ်။ လစာလည်းကောင်းကောင်းရနေတာပဲ။ ဘာကြောင့်မလုပ်တော့တာလဲလို့ မေးကြည့်မိပါတယ်။
“လစာတော့ကောင်းကောင်းပေးပါတယ်။ ကိုယ်လုပ်ချင်တိုင်းလုပ်ခွင့်မရတာကိုစိတ်ပျက်ပြီး ထွက်လိုက်တာ၊ တို့ကကလေးကိုစာတတ်ရုံတင်မကစည်းကမ်းရှိစေချင်၊ လိမ္မာစေချင်တယ်၊ကြိုးစား စေချင်တယ်။ မိဘပိုက်ဆံကိုဖြုန်းတီးနေတဲ့ကလေးမဖြစ်စေချင်ဘူး၊ ဒီတော့စည်းကမ်းနဲ့ထိန်းတယ်၊ပြောဆိုဆုံးမမှုတွေလုပ်တယ်။ ဒါကိုတချို့ကလေးတွေကမကြိုက်ဘူး။ တင်းကြပ်တယ်ဆိုပြီးကျောင်းထွက်ကြတယ်။ တို့ရဲ့ပုဂ္ဂလိကကျောင်းတည်ထောင်သူက ကျောင်းသားလျော့သွားတာမကြိုက်ဘူး။ စီးပွားရေးထိခိုက်တယ်။ကလေးတွေကိုအလိုလိုက်ပါ။ ချော့မော့ပြီးစာသင်ပါ။ စည်းကမ်းတွေမတင်း ကျပ်ပါနဲ့ပြောလာတော့ကိုယ့်ဝါသနာနဲ့မကိုက်ဘူးလေ၊ တို့ကကျောင်းဆရာ၊ ကလေး အမှားလုပ်နေ တာကိုလက်ပိုက်ပြီးကြည့်မနေနိုင်ဘူး။ကလေးလမ်းလွဲနေတာကိုဖြစ်ချင်ရာဖြစ်ဆိုပြီး လွှတ်မပေး နိုင်ဘူး။ မကောင်းမြစ်ထာ၊ ကောင်းရာညွှန်လတ်၊အတတ်သင်စေဆိုတဲ့တာဝန်တို့မှာရှိတယ်၊ တို့က ဒုတိယမိဘတွေလေ၊ ကျောင်းသားတွေရဲ့မိဘတွေကသူတို့ကလေးတွေတော်စေတတ်စေချင်လို့ ထိုက်ထိုက်တန်တန် အကုန်အကျခံပြီး တို့ဆီမှာ အပ်နှံထားတာ၊ တို့ကိုချီးမြှင့်လစာက၊ကလေး တွေဆီကရတာလေ၊ ဒီတော့ ကလေးတွေအတွက် တို့ကတာဝန်ကျေရာမှာပေါ့။ စာကိုလည်းသင်၊ လူကိုလည်းပြင်ရမယ်ဆိုတဲ့အလေ့အကျင့်ကတို့နှလုံးသားထဲမှာစွဲနေပြီလေ၊ ကိုယ့်စေတနာအရ မလုပ်ရရင် ထွက်တယ်ဆိုပြီးထွက်ခဲ့တာ သူငယ်ချင်းရေ”ဆိုပြီး ရှည်ရှည်ဝေးဝေး ရင်ဖွင့်ပါတော့တယ်။
ဆရာဆိုတာပန်းချိုးသူမဟုတ်၊ပန်းပျိုးသူပါ။
ဆရာဆိုတာလမ်းဖျောက်သူမဟုတ်၊ လမ်းဖောက်သူပါ။
ဆရာဆိုတာတံတားချိုးသူမဟုတ်၊ တံတားထိုးသူပါ။
ဆရာစိတ်နဲ့ဆရာလုပ်ချင်သူအားလုံးကို လေးစားပါတယ်။
အောင်ခိုင်မြင့်(ပညာရေး)
