သားသားတို့ကို နားချိန်ပေးပါ
“ကလောင်ကလောင်” ဆိုပြီး ဖုန်းထဲက မက်ဆေ့ဝင်လာသံကြားလို့ ဖွင့်ကြည့်လိုက်တော့သူငယ်ချင်းမ နှစ်ယောက်ဆီကသူတို့ကလေးတွေ နွေရာသီကျောင်းပိတ်ရက်မှာထားဖို့ ဘယ်သင်တန်း တွေကောင်းလဲဆိုပြီး လှမ်းမေးတဲ့မက်ဆေ့ခ်ျတွေဖြစ်နေပါတယ်။
နွေရာသီကျောင်းတွေပိတ်တော့မယ်ဆိုတော့မိဘတွေအနေနဲ့ သားတွေ၊သမီးတွေအတွက် ကျောင်း ချိန်ပြင်ပ သင်ယူလေ့လာရမည့်အရာတွေကို ခုကတည်းက ပြင်ဆင်နေကြပြီဖြစ်သည်။ကျွန်မတို့ ငယ်စဉ်က ဆိုရင် နွေရာသီကျောင်းပိတ်ရက်ဆိုတာ တကယ့်ကိုပျော်စရာကောင်းတဲ့၊လွတ်လပ်တဲ့ အချိန်တွေဖြစ်ခဲ့ပေမယ့် အခုခေတ်ကာလ သားငယ်၊သမီးငယ်တွေအတွက်ကတော့ အားလပ်ရက်ဆိုတာမရှိလောက်အောင်ပင် လေ့ လာသင်စရာတွေ ပြည့်နေသည်။
ကျွန်မတို့ငယ်စဉ်ကနွေရာသီမှာ အရိပ်ကောင်းတဲ့သစ်ပင်အောက်မှာ အိုးပုတ်၊ ချိုးရုပ်တွေနဲ့ ဆော့က စားခဲ့ကြသည်။နယ်မှာရှိတဲ့အမျိုးတွေဆီ အလည်သွားကြ၊ မိသားစုလိုက် ခရီးသွားကြနဲ့ ပျော်စရာကောင်း တဲ့အားလပ်ရက်တွေဖြစ်ခဲ့သည်။ ခုတော့ ဘာသာစကားသင်တန်း၊ ပန်းချီသင်တန်း၊ အဆို၊ အက၊ အတီးသင် တန်း စသည့်သင်တန်းပေါင်းစုံနှင့် သင်ယူစရာတွေ များနေတတ်သည်။ တကယ်ဆိုလျင် နွေနေပူပူတွင်ကလေး တွေရဲ့ဦးနှောက်ကို အနားပေးရမည့်အစား အပူပေးနေသလိုပင် ဖြစ်နေသည်။ ကလေးက တကယ်ပင် သင်ချင် တတ်ချင်လားမသိအတင်းအကြပ်ကိုပင် သင်ယူခိုင်းနေကြတော့သည်။ တချို့ဆိုလျင် ဒီနေ့စာမေးပွဲအပြီး နောက်တနေ့မှာပင်လာမည့် နှစ်အတွက် သင်ခန်းစာများကို ကြိုတင်သင်ကြားနေကြသည်။ ကလေးတွေ အတွက် အနားယူချိန်ဆိုတာ ပျောက်ဆုံးနေပြီဖြစ် သည်။
ဒီလောက်မှလုပ်မထားရင်ကိုယ့်ကလေးပဲနောက်ကျကျန်မှာပေါ့ဟု တချို့မိဘတွေက ယူဆနေကြ သည်။ တကယ်တမ်းမှာတော့ လူတစ်ယောက်ဟာ အကြောင်းအရာတစ်ခုကိုအချိန်အကြာကြီး အာရုံစိုက် မထားနိုင်ပါ။ အထူးသဖြင့် ဦးနှောက်နှင့် စဉ်းစားသင်ယူရသည့်အလုပ်တွေကို တစ်နှစ်ပတ် လုံးသင်ယူခိုင်း နေခြင်းသည် ကလေးငယ်များအတွက် မနိုင်ဝန်ထမ်းခိုင်းနေခြင်းပင်ဖြစ်သည်။
ကျောင်းဖွင့်ချိန်တွေကြပြန်တော့လည်းကျောင်းတက်ရ၊ အိမ်မှာဆရာမခေါ်သင်ရနှင့် နားချိန် ဟူ၍မရှိ၊ ယနေ့ခေတ်ကလေးတွေအတွက် အားလပ်ချိန်၊နားချိန်ဟူသည် ဂိမ်းများဆော့ကစားချိန်သာ ဖြစ်သည်။ စာသင်ချိန်တွေမှာလည်း ကိုယ်လက်လှုပ်ရှားမှုမရှိ၊အားလပ်ချိန်ဖြစ်သည့်အချိန်များတွင် လည်း ဂိမ်းများကို ထိုင်ရာမထ ဆော့ကစားခြင်းတို့ကြောင့်ကလေးများမှာ ကိုယ်လက်လှုပ်ရှားမှု နည်းလာသည်။ အကျိုးဆက် အဖြစ် ကိုယ်ကာယဖွံ့ဖြိုးမှုအပိုင်းတွင်အားနည်းလာကြသည်။ ငယ်ရွယ်စဉ် မှစ၍ ကိုယ်ကာယဖွံ့ဖြိုးမှုနည်း ပါးပါက ဆယ်ကျော်သက်အရွယ်တွင်အားနည်းဖျော့တော့သော ခန္ဓာ ကိုယ်ကိုသာ ပိုင်ဆိုင်နိုင်ကြမည ဖြစ်သည်။ ဤသို့ဆိုလျင် အနာဂတ်နိုင်ငံတော်ကိုဦးဆောင်မည့် လူငယ်များတွက် ရင်လေးစရာပင် ဖြစ်သည်။
ဘာသာစကားလေ့ကျင့်သင်ကြားမှုအပိုင်းတွင်လည်းထို့အတူပင်ဖြစ်သည်။ ဘာသာစကား တစ်ခုကို လေ့လာ သည်ဆိုရာတွင် အချိန်ကာလသတ်မှတ်၍မရ၊ နွေရာသီတွင်သင်ကြားပေးပြီး တစ်နှစ်ပတ်လုံး ကင်းကွာနေ လျင် သင်ကြားမှုမှာ မထိရောက်နိုင်။ မိဘများအနေနှင့်မိမိတို့ကလေးငယ်များ၏ သင်ယူနိုင်မှုစွမ်းရည်ကို စဉ် ဆက်မပြတ် လေ့လာအကဲခတ်၍ ပုံမှန်လေ့ကျင့်နိုင်သည့်အချိန်ဇယား တစ်ခုထားရှိကာ လေ့ကျင့်သင်ကြား ပေးသင့်သည်။ ထိုသို့ဆိုလျင် ကလေးငယ်တို့အတွက်သင်လိုက် မေ့လိုက်မဖြစ်နိုင်တော့သလို ကျောင်းအား လပ်ရက်ဦးနှောက်ကို အနားပေးရမည့်အချိန်မှာမှအခြား သင်ခန်းစာတစ်ခုကို ကန့်သတ်ထားသော အချိန် အတွင်း စုပြုံထည့်သွင်းခြင်းမှလည်း ကင်းလွတ်မည်ဖြစ်သည်။
နွေရာသီကျောင်းပိတ်ရက်ဆိုသည်မှာနောက်တစ်နှစ်သင်ခန်းစာများကို ပေါ့ပေါ့ပါးပါး ပျော်ပျော်ရွှင်ရွှင် သင်ယူနိုင်ရန် နွေရဲ့အပူရှိန်တွင်ကလေးများ ဦးနှောက်ကိုအနားပေးရန်အတွက် အားလပ်ချိန်များဖြစ်ပါသည်။ မိဘများအနေနှင့် မိမိတို့၏သားငယ်၊သမီးငယ်များကို စာဝန်ပိနေသည့်၊ စာနှင့်ပတ်သက်၍ မသင်မဖြစ် သင်နေရသည့် စိတ်ဖိစီးမှုမှလည်းကင်းဝေးသည့် ရင်သွေးငယ်လေး များဖြစ်အောင် ပြုစုပျိုးထောင်စေလိုသော ဆန္ဒဖြင့် ရေးသားလိုက်ရပါသည်။
