ငွေနှင့်ပညာ ဖလှယ်နေရသည့်ခေတ်
“တခြားလူတွေမှားတာကို နားလည်ပေးလို့ရတယ်၊ ခွင့်လွှတ်လို့ရတယ်။တို့ကျောင်းဆရာတွေ ကတော့ မမှားသင့်တာကို မမှားရဘူး။ အမြဲသတိရှိနေရမယ်”လို့ ကျွန်တော်ဆရာဖြစ်ကာ စမှာငယ် ဆရာတစ်ဦးက ဆုံးမခဲ့ဖူးတယ်။
“အတတ်လည်းသင်၊ ပဲ့ပြင်နိစ္စ၊ သိပ္ပမချန်၊ ဘေးရန်ဆီးကာ၊ သင့်ရာအပ်ဖို့”ဆိုတဲ့ဝတ္တရား ၅ပါးကို ဦးထိပ်ပန်ဆင် ဆောင်ရွက်နေကြတဲ့ ဆရာတွေရဲ့အတွေးအခေါ်အယူအဆ၊ အပြုအမူအပြောအဆို အနေအထိုင်တို့ဟာ တပည့်တွေအတုယူနိုင်တဲ့ စံပြနမူနာတွေဖြစ်ဖို့ လိုတယ်။ ရှေ့ဆောင်လမ်းပြကောင်းတွေဖြစ်ဖို့လိုတယ်။
“မင်းတို့ထက်မိုက်လို့ ကျောင်းဆရာလုပ်တာကွ၊မိုက်တဲ့လူထွက်ခဲ့”ဆိုပြီးစာသင်ခန်းထဲမှာ ကျောင်းသားတွေကိုစိန်ခေါ်နေတဲ့ဆရာတစ်ယောက်ကို တွေ့ဖူးတယ်။
ကျောင်းရုံးခန်းထဲကိုခေါ်ပြီးအဲဒီဆရာကိုဆွေးနွေးခဲ့ရတယ်။ “မိုက်တဲ့ဆရာကလိမ္မာတဲ့တပည့်တွေကို မွေးထုတ်ပေးနိုင်ပါ့မလား။ မိုက်တဲ့လူထွက်ခဲ့ဆိုတော့ ဘယ်သူမှ ထွက်မလာဘူးမို့လား။တပည့်တွေအားလုံးက လိမ္မာကြပြီး ဆရာတစ်ယောက်ထဲမိုက်နေတာ” ဆိုတော့ “ကျွန်တော်မှားပါတယ်ဆရာကြီး” ဆိုပြီး ပြုပြင်သွားပါ တယ်။ကိုယ့်အမှားကို ကိုယ်သိပြီးတစ်ခုမှားရင် တစ်ခုပြင်၊ အခုမှားရင် အခုပြင်တတ်သူတွေဟာ လူလိမ္မာတွေပါပဲ။ဆရာတွေမမှားကြရတော့ဘူးလား။ မမှားသောရှေ့နေဆိုတာ မရှိသလိုမမှားသော ဆရာဆိုတာ လည်း မရှိနိုင်ပါဘူး။ ဆရာဆိုတာလည်း ပုထုဇဉ်လူသားတွေထဲက လူပါပဲ။ ဒါပေမဲ့ဆရာဘဝကိုိခံ ယူပြီဆိုတာနဲ့ မမှားသင့်တာတွေ မမှားရတော့ပါဘူး။ ဥပဇ္ဈာယ် ဆရာဖြစ်ဖြစ်၊ အာစရိယဆရာဖြစ်ဖြစ်တပည့်တွေကိုအမှားအမှန်၊ အကောင်းအဆိုး၊ အကြောင်းအကျိုးခွဲခြမ်း စိတ်ဖြာသင်ကြားပေးနိုင်ကြရမှာ ဖြစ်ပါတယ်။
ငှက်တို့၏အားကား ကောင်းကင၊်ငါးတို့၏အားကား ရေပြင်
တပည့်တို့၏အားကားမြတ်ဆရာပင် ဖြစ်ပါတယ်။
ဆိုရိုးတစ်ခု မှတ်သားဖူးပါတယ်။ “ဆရာမဟန်၊ အကျင့်တန်က၊ တပည့်ညံ့ဖျင်း၊ ဂုဏ်နံ့ ကင်း၏”တဲ့။ “ဆရာကောင်းတပည့်မှပန်းကောင်းပန်ကြရတာဖြစ်ပါတယ်။ ဒါကြောင့်ဆရာများ အမှားနည်းဖို့ လိုပါတယ်။၂၀၀၉ခုနှစ် ဇွန်လထုတ်ငွေတာရီ မဂ္ဂဇင်းပါ ဆရာမောင်ဟေမာရဲ့“လူ” ဆိုတဲ့ကဗျာထဲက စာပိုဒ်တချို့ကိုကြိုက်တာနဲ့ မှတ်သားထားခဲ့ပါတယ်။“-လူလုပ်ဆောင်ရာ၊လူ့ဝန်တာ၌ဘယ်ခါမမှား၊ မှန်တကားဟု တရားသေစွဲ၊ အမှတ်ကဲလျင် အလွဲဖြစ်ချေမည်တကား။-လူပုထုဇဉ်၊ခြောက်ပစ်စင်ဖို့အစဉ်ခက်ခဲ၊ အမှားနည်းမှ လူထဲကလူ၊ တလူလူနှင့် လူတော် သတ်မှတ်ကြလိမ့်မည်”ဘာမှမလုပ်တဲ့သူဟာအမှားမရှိနိုင်ပါဘူး။ အလုပ်လုပ်တဲ့လူတိုင်း အမှားရှိနိုင်ပါတယ်။ ဒါပေမဲ့ အမှားကိုမှားမှန်းမသိတဲ့လူ၊ အမှားကိုလက်မခံတဲ့လူ၊အမှားမှန်းသိရက်နဲ့ မပြင်ချင်တဲ့လူမဖြစ်ဖို့ အရေးကြီးတာပါပဲ။
(၂)
အခုတလောရေပန်းစားနေတဲ့သတင်းကတော့ မဲစာရင်းတွေမှာအမှားများတဲ့သတင်းပါပဲ။ နာမည်မှားတဲ့ အမှား၊မိဘအမည်မှားတဲ့အမှား၊ မွေးသက္ကရာဇ်မှားတဲ့ အမှား၊ ကွယ်လွန်သူတွေ မဲ စာရင်းမှာပါတဲ့အမှား၊သက်ရှိထင်ရှားရှိသူတွေ မဲစာရင်းမှာမပါတဲ့ အမှားဆိုပြီး အမှားကင်းတဲ့မဲစာရင်း ဆိုတာခပ်ရှားရှားပဲလို့ ပြောဆိုသံတွေကြားနေရပါတယ်။
ဆရာကြီးတစ်ဦးကပြောပါတယ်။ “များတဲ့အခါလည်း မှားပေမပေါ့” တဲ့ခင်ဗျ။ အလုပ်တွေများ တဲ့အခါမှားတတ်တဲ့သဘောပါ။ အလုပ်များရင် အမှားများမှပဲလို့ တရားသေဆုပ်ကိုင်မထားသင့်ပါဘူး။
မူတွေ၊ဘောင်တွေ၊ ညွှန်ကြားချက်တွေကိုနားလည်ပြီး စည်းကမ်းရှိရှိ၊ စနစ်ကျကျလုပ်တတ် ကိုင်တတ်သူတွေအဖို့ဘယ်လောက်ပဲအလုပ်များများ အမှားနည်းတာကို တွေ့ရပါတယ်။ စိတ်ပါဝင် စားမှု၊ အတွေ့အကြုံနဲ့လုပ်ရည်ကိုင်ရည်အပေါ်မှာအများကြီးမူတည်ပါတယ်။ ကျွန်တော်ကျောင်းအုပ် ဝန်ထမ်းဆောင်စဉ်ကတစ်လတစ်မျိုးမရိုးအောင် မှားတတ်တဲ့ဆရာမတစ်ဦး ကြုံတွေ့ဖူးပါတယ်။ ဒီလ မှာ ကျောင်းသားလချုပ်စာရင်းမှားတယ်။နောက်လမှာ ကျောင်းလခငွေစာရင်း မှားတယ်။ နောက်လ မှာ လစဉ်စာမေးပွဲအမှတ်စာရင်း ပေါင်းတာမှားတယ်။နောက်တစ်လမှာ မေးခွန်းထုတ်တာမှားတယ်။ “အလုပ်တွေကများတော့ မှားတာပေါ့ဆရာကြီးရယ်”လို့ဆင်ခြေပေးတယ်။ “တခြားဆရာဆရာမတွေ လည်း အလုပ်များတာပဲ၊ ဆရာမတစ်ယောက်ပဲ မကြာခဏမှားနေတယ်၊ရှင်းလင်းချက်ရေးရမယ်” ဆိုတော့မှ အမှားနည်းသွားတယ်။ မလိမ္မာတစ်ခါမိုက်တာကို ခွင့်လွှတ်လို့ရပေမယ့် မလိမ္မာအခါ အခါမိုက်နေတာကိုတော့ခွင့်လွှတ်လို့မရပါဘူး။
အမှားများများလုပ်တဲ့ဆရာဆရာမတွေပေးတတ်တဲ့ဆင်ခြေတစ်ခုရှိတယ် “မီးလုံးကိုတီထွင်ခဲ့ တဲ့ သောမတ်အယ်ဒီဆင်တောင် မီးလုံးရယ်လို့မဖြစ်ခင်မှာအကြိမ်ထောင်ပေါင်းများစွာ မှားခဲ့ဖူးတာ ပဲ”တဲ့။ အလုပ်ကိုမယ်မယ်ရရ မလုပ်ချင်တဲ့လူတွေရဲ့ စရိုက်အတိုင်း ဆင်ခြေကိုကြီးကြီးကျယ်ကျယ်ပေးတတ်ကြတယ်လေ။
“သောမတ်အယ်ဒီဆင်ကအကြိမ်ထောင်ပေါင်းများစွာ ကြိုးစားခဲ့တာ၊ တစ်နည်းမရ တစ်နည်း နဲ့စမ်းသပ်ခဲ့တာ၊ ဆရာမတို့ကမှားနေတာ၊ အမှားကိုပြင်ဖို့လည်း မကြိုးစားချင်ဘူး။ အရေးမှားအတွက် မှားတာက ပထမအမှား၊ အဲဒီအမှားကိုပြင်ဖို့မကြိုးစားတာက ဒုတိယအမှား၊အကြောင်းပြ ဆင်ခြင်ပေးတာက တတိယအမှား၊ အမှားတွေများနေပြီဆရာမရယ်” ဆိုတော့မှ ငြိမ်သွားတယ်။ဒီလိုဆရာဆရာမမျိုးတွေ ကျောင်းတွေမှာ တစ်ယောက်စ၊ နှစ်ယောက်စရှိတတ်ပါတယ်။ ဆင်ခြေ ထောက်ရောဂါဟာကုသရခကသလို ဆင်ခြေပေးရောဂါဟာလည်း ပြုပြင်ရခက်တာကို တွေ့ရပါ တယ်။
“များတဲ့အခါလည်းမှားပေမပေါ့”ဆိုတဲ့သူများ သတိထားဖို့ပါ။
(၃)
မှားတဲ့အခါတွေများလာတော့အမှားကြာအမှန်ဖြစ်သွားတတ်တာကိုလည်း သတ်ိပြုစေချင်ပါ တယ်။ “Good Morning” ဆိုတာ ဘာလဲလို့မေးလိုက်တိုင်း “ပေါင်မုန့်”လို့အမြဲတမ်းဖြေတတ်တဲ့ကလေးတစ်ယောက်ကို “ကောင်းသောနံနက်ခင်းပါ”ဆိုတဲ့အဖြေမှန်သိဖို့ အတော်လေးပြင်ပေးခဲ့ရဖူးပါတယ်။”
“အတန်းပိုင်ဆရာမဆီမှကျူရှင်ထားမှ ဆရာကြီးရေ၊ အတန်းပိုင်ဆီမှာ ကျူရှင်မထားလို့က တော့……”ဆိုပြီး ကျူရှင်ထားနည်းနိဿရည်းကို အမှန်လို့စွဲကိုင်ထားတဲ့မိဘတွေကိုလည်း ပြုပြင်ရ ခက်ပါတယ်။ မိဘတွေက သားသမီးစိတ်ဆင်းရဲမှာကိုမမြင်လိုကြဘူး။
အမှားကြာပြီးအမှန်ဖြစ်နေတဲ့နောက်အမှားတစ်ခုကတော့ “ကျောင်းအုပ်ဆိုတာ စာသင်စရာ မလိုဘူး”ဆိုတဲ့ အယူအဆပါ။အထက်တန်းကျောင်းအုပ်ကြီးတွေ အလုပ်များပါတယ်။ အစည်းအဝေး တက်ရ၊ ပြဿနာပေါင်းစုံ ဖြေရှင်းရ၊ပညာရေးပြက္ခဒိန်ပါလုပ်ငန်းတွေ အကောင်အထည်ဖော်ရနဲ့ မအားကြရပါဘူး။ ဒါပေမဲ့ အတန်းတစ်တန်းတန်းမှာစာရိတ္တနဲ့ပြည်သူ့နီတိလို ဘာသာရပ်မျိုးကို သင် ကြားပေးသင့်တယ်။ အချိန်ဇယားအပိုင်ယူပြီးသင်လို့တော့မဖြစ်နိုင်ဘူးပေါ့။ သင်နေတဲ့ဆရာ ဆရာမ ဆီကတောင်းပြီး သင်လို့ရပါတယ်။
ဆိုးတာကတော့မူလတန်းကျောင်းအုပ်ကြီး တော်တော်များများစာမသင်ကြတာပါပဲ။ အစည်း အဝေးကိုအကြောင်းပြပြီးစာမသင်ကြတာ။ ကျောင်းအုပ်ဖြစ်ရင် စာမသင်ရတော့ဘူးလို့ အမှတ်မှားနေ ကြတယ်။ ကျောင်းဆရာစာမသင်ရင် မသွေးဘဲထားတဲ့ ဓားလိုပဲ၊သံချေးတက်ပြီးတုံးသွားတတ်ပါတယ်။ ဆရာတွေရဲ့ဦးနှောက်ကို သံချေးတက်မခံပါနဲ့။ လက်ထောက်တွေစာသင်တာနဲ့ကျောင်းအုပ်ကြီးတွေ စာသင်တာနဲ့ ကျောင်းအုပ်ကြီးတွေစာသင်တာနဲ့ထိရောက်မှုခြင်းမတူပါဘူး။ကျောင်းအုပ်ကြီးတွေမှာ အတွေ့အကြုံရှိတယ်။ သမ္ဘာရှိတယ်။ ဝါရှိတယ်။ သင်သလောက်တပည့်တွေကိုမှတ်မိစေတယ်။
ထင်ရှားတဲ့နမူနာတစ်ခုပြပါ့မယ်။အသက် ၈၈ နှစ်ရှိပြီးဖြစ်တဲ့ ဆရာကြီးဒေါက်တာသန်းဦးဟာဒီနေ့အထိစာသင်ပေးနေတုန်း ရှိပါသေးတယ်။ ပညာရေးတက္ကသိုလ်က Ph.D တန်းကျောင်းသားတွေနဲ့M.Ed ကျောင်းသားတွေကို အင်္ဂါနေ့တိုင်းသွားရောက်သင်ကြားပေးနေပါတယ်။ အတုယူစရာပါ။
ဒါ့ကြောင့်ကျောင်းအုပ်ဖြစ်ရင် စာမသင်တော့ဘူးဆိုတဲ့အမှားကြာပြီးအမှန်လိုဖြစ်နေတဲ့ အယူ အဆကို ပြောင်းပစ်ကြရအောင်။ကွယ်လွန်သွားပြီဖြစ်တဲ့ ပညာရေးဝန်ကြီးဌာနဝန်ကြီး ဦးသန်းအောင် က ပြောပါတယ်။ “နိုင်ငံနဲ့လူမျိုးရှင်သန်မှုဟာ ပညာရေးမှာမှုတည်တယ်၊ဒါကြောင့်ပညာရေးကို အမှားခံလို့မရဘူး” ဆိုတဲ့အချက်ကို မှတ်သားနာယူခဲ့ဖူးပါတယ်။
အောင်ခိုင်မြင့်
(ပညာရေး)
