စိတ်ခံစားမှုများကိုနားလည်ပေးပါ
၁။ တစ်ဦးချင်းစီကို ဂုဏ်ပြုပါ
တပည့်ကျောင်းသားတိုင်းတွင် တစ်ဦးချင်းစီ ချီးကျူးပြောဆိုခြင်းဂုဏ်တင်ပေးခြင်းဝမ်းမြောက် ကြောင်း အသိပေးခြင်း စသည့်ဂုဏ်ပြုထိုက်သောကျောင်းသား၏ လုပ်ဆောင်မှုများရှိခဲ့လျှင်ချီးကျူး ဂုဏ်ပြုပေးပါ။
မည်သူမဆို မိမိအား အားပေးချီးမြှောက်ခြင်း၊ ကျေးဇူးတင်ခြင်း၊ပြုလုပ်လျှင် ဝမ်းသာကြတာ ဓမ္မတာဖြစ်ပါတယ်။ မြှောက်ပေးခြင်းမဟုတ်ဘဲ တကယ်တော်သည့် ဆောင်ရွက်မှုချီးကျူးသင့်သည့်အောင်မြင်မှုအတွက်ဂုဏ်ပြုပေးရန်ဖြစ်ပါတယ်။ ဆရာအဖို့ဘာမျှ အပန်းမကြီးလှတဲ့လုပ်ရပ်ဖြစ်သော်လည်း တပည့်ကျောင်းသူကျောင်းသားများအတွက် အားတက်ဝမ်းမြောက်ဖွယ်ရာဖြစ်သွားစေနိုင်ပါ တယ်။သူတို့အတွက် သင်ယူလေ့လာစိတ်ကို အားပေးမြှင့်တင်ပေးလိုက်သလို ဖြစ်သွားစေနိုင်ပါတယ်။ခွန်အားအသစ်တွေရရှိစေမှာ ဖြစ်ပါတယ်။ လိုလိုလားလားတက်တက်ကြွကြွရှိနေတဲ့ တပည့်များအားသင်ကြားပေးရလျှင် ဆရာရောတပည့်ပါ နှစ်ဦးနှစ်ဘက်စလုံးအတွက် ဘယ်လောက် ဝမ်းမြောက်ဖွယ်ရာကောင်းပြီး၊ ပိုပြီးအောင်မြင်မှာလည်းသေချာပါတယ်။ အရေးကြီးတာကတစ်တန်းလုံးကိုခြုံငုံ၍မည် ကာမတ္တ ချီးကျူးရုံလုပ်တာမျိုးမဟုတ်ဘဲ တော်တဲ့ ကျောင်းသားတစ်ဦးချင်းစီအလိုက်နာမည်ကိုထုတ် ဖော်ပြောဆိုပြီးတစ်တန်းလုံးရဲ့ရှေ့မှာ၊ တစ်ကျောင်းလုံးရဲ့ရှေ့မှာ ချီးကျူးဂုဏ်ပြုပေးလိုက်ပါ။ဖြစ်နိုင် ရင် အမှတ်တရလက်ဆောင်ပစ္စည်း တစ်ခုခုကိုတန်ဖိုးနည်းချင် နည်းပါစေ ပေးနိုင်ပါကပိုကောင်းပါတယ်။ အချီးမြှောက်ခံရတဲ့တပည့်ကျောင်းသားအတွက် သူ့ကိုယ်သူ ယုံကြည်မှုတွေပို၍ရှိလာပြီး ဘယ်လမ်းခရီးမှာ သင့်တော်မှန်ကန်သောလမ်းကြောင်းမှန်ကို ရှာဖွေတွေ့ရှိဖို့ အကူအညီ အထောက် အပံ့ဖြစ်သွားစေပါလိမ့်မယ်။ ဆရာရဲ့ဂုဏ်ကျေးဇူးကိုလည်းတစ်သက်လုံး မမေ့ဘဲရှိပါလိမ့်မယ်။
၂။ ကြိုးစားအားထုတ်မှုများအတွက်အသိအမှတ်ပြုပါ
တပည့်ကျောင်းသားများဟာ တစ်ခါတစ်ရံမှသာလျှင်ဖြစ်စေ သေးငယ်သောမပြောပလောက် သည့် ကြိုးစားအားထုတ်မှုပင်ဖြစ်စေကာမူ သူ့ရဲ့ ကြိုးစားမှုအတွက် ကျေးဇူးတင်ကြောင်းပြောဖို့ဂုဏ်ပြု ချီးကျုးဖို့လည်းမမေ့ပါနဲ့ တပည့်တိုင်းအချိန်ပြည့်ကြိုးစားနေကြတာတော့ မမျှော်လင့်နိုင်ပါ။သို့သော် တစ်ခါတစ်ရံကြိုးစားအားထုတ်မှုလေးအတွက် အသိအမှတ်ပြု ပေးခြင်းဟာ နောက်ထပ်ကြိုးစားချင်စိတ်တွေ ပေါက်လာအောင်စိတ်ခွန်အားသစ်တွေ တောင်ပေးနိုင်ပါလိမ့်မယ်။ ဒီမှာလည်း အားလုံးနဲ့ခြုံ၍ချီးကျူးဂုဏ်ပြုတာမျိုးမဟုတ်ဘဲ တစ်ဦးတစ်ယောက်ချင်းရဲ့ လုပ်ရပ်(သို့) ကြိုးစားမှုအတွက်ဂုဏ်ပြုပေးရမှာဖြစ်ပါတယ်။ ဒါပေမဲ့အပေးအယူသဘောမျိုး မဆောင်ပါစေနဲ့။ ဆိုလိုတာက တကယ်ကို ကြိုးစားပြမှချီးကျူးတာမျိုးဖြစ်ရပါမယ်။ ဟန်ဆောင်ကြိုးစားပြပြီးချီးကျူးခံချင်တာမျိုးကိုတော့ အားမပေးပါနဲ့။
တပည့်ကျောင်းသားသည် အမှန်တကယ်ကို ထူးထူးခြားခြားဖြစ်စွာအခက်အခဲများကို ကျော် လွှားပြီးကြိုးစားအားထုတ်ခံမျိုးသေချာလျှင် ဆရာအနေနဲ့ ကိုယ့်တပည့်အားချီးကျူးတာအပြင်ဆုပေး တာမျိုးလုပ်သင့်ရင်လည်း လုပ်ရပါတယ်။ သူ၏ ကြိုးစားအားထုတ်မှုရလဒ်ကို ထင်ရှားအောင်သက် သေပြနိုင်ရင် ဆုပေးသင့်ပါတယ်။ နမူနာအားဖြင့် တပည့်တစ်ယောက်ဟာ အတန်းထဲမှာအစမ်း စာမေးပွဲလုပ်တိုင်းရရှိတဲ့အမှတ်တွေဟာတဖြည်းဖြည်း များလာတာတွေ့ရတာမျိုး၊ Grade အဆင့် သတ်မှတ်ပေးတာမျိုးဆိုရင်လည်း အဆင့်တက်လာမယ်ဆိုရင်အဲဒီတပည့်ကို ဆုပေးတာမျိုးလုပ်သင့် ပါတယ်။
ဒီမှာထပ်ပြီး ပြောရရင်တပည့်ကျောင်းသားရဲ့အဆင့် သတ်မှတ်ပေးရာမှာလည်းသူရဲ့ကြိုးစား အားထုတ်မှုကို ချီးကျူးတဲ့အနေနဲ့ အဆင့်တိုးပေးတာမျိုးကိုတောင် လုပ်နိုင်ပါတယ်။အင်္ဂလိပ်ဘာသာနဲ့ ပြောရရင် Extra Credit ပေးတာမျိုးလုပ်ပေးရပါမယ်။
၃။ တပည့်များကိုလေးစားပါ
အစဉ်အလာ အားဖြင့်တော့တပည့်တွေကကိုယ့်ဆရာသမားမိဘများနှင့် သက်ကြီးဝါကြီးဂုဏ် ကြီးသူများကို လေးစားကြရမယ်ဆိုတာ မြန်မာနိုင်ငံလိုဗုဒ္ဓဘာသာဝင်များအများစုရှိတဲ့နိုင်ငံမှာ ပြောစရာ မလိုပါဘူး။
ဒီနေရာမှာဆိုလိုချင်တာက တပည့်ကဆရာကိုလေးစားသလိုဆရာကလည်း တပည့်ကျောင်း သားများ၏ ဂုဏ်ယူဖွယ်လုပ်ရပ်များအတွက်လေးစားမှုကို ပြသပေးရမယ်ဆိုတဲ့အချက်ပါပဲ။ တပည့် ကဆရာကို လေးစားသလို ဆရာကလည်း တပည့်ကိုလေးစားတဲ့အနေနဲ့ဦးညွတ် ပေးဖို့ပြောတာ မဟုတ်ပါဘူး။ တပည့်တစ်ယောက်ရဲ့အခွင့်အရေးကို (ပြောရလျှင်ကိုယ်ပိုင်အခွင့်အရေးကို) ဆရာက လေးစားဖို့ပါပဲ။ စွမ်းဆောင်ရည်ရှိသော လူသားတစ်ယောက် အနေနဲ့လူလူချင်းလေးစားတာမျိုးတို့လည်း ခေါ်နိုင်ပါတယ်။ တပည့်ဟာဘွဲ့ကြိုကျောင်းသားမို့လို့ (ဒါမှမဟုတ်) ကျမ်းပြုနေသောပါရဂူ ဘွဲ့ယူမယ့်ကျောင်းသားမို့လို့ လေးစားတာဆိုတာမျိုးမဟုတ်ပါဘူး။ သူငယ်တန်းကျောင်းသားပင်ဖြစ်စေကာမူ သူ့အရွယ်နဲ့သူ ဉာဏ်ကောင်ထက်မြက်ပြီးအစွမ်းအစတွေ ပြသနိုင်မယ်ဆိုရင် ကလေးငယ်ဖြစ်စေကာမူ လေးစားရမှာဖြစ်တယ်။ နမူနာအားဖြင့် ၁၀နှစ်အရွယ်ကလေးတစ်ယောက်ရဲ့ တယောထိုး စွမ်းရည်ကိုအများကလေးစားကြသလိုမျိုးဖြစ်ပါတယ်။
တပည့်တွေမှာလည်း စိတ်ကူးကောင်းတွေ၊ ဉာဏ်ကောင်းတွေရှိတယ်။ခံစားမှုတွေရှိတယ်။ အတန်းထဲမှာပင် ပြနိုင်တာမဟုတ်ဘဲ စာသင်ခန်းပြင်ပကို ကျော်လွန်၍ တွေ့ကြုံနေထိုင်ဖြတ်သန်းခံစားရမယ့် ဘဝတွေရှိနေတယ်ဆိုတာ ဆရာက လေးစားရပါမယ်။
တပည့်တွေအပေါ်လေးစားဂုဏ်ယူမှုပြရင် တပည့်တွေကလည်း ထိုနည်းတူဆရာ့အပေါ်မှာ လေးစားဂုဏ်ယူမှုတွေပြကြမှာအမှန်ဖြစ်ပါတယ်။
ဒေါက်ထွေး(ဆေး-မန်း)
