စလုံးရေးလို့စကြစို့
တက်နေဝန်း
ကျွန်မတို့ရဲ့ကျောင်းတွေမှာကျောင်းဖွင့်ပြီဆိုတာနဲ့မိဘတွေစိတ်ပူတဲ့အရာကဖတ် စာအုပ်တွေ စုံစုံလင်လင်ရမှာလားဆိုတာပါပဲ။ မိဘတော်တော်များများက အတန်းတင် စာ မေးပွဲဖြေပြီးတာနဲ့ နောက်အတန်းအတွက်ဖတ်စာအုပ်အဆင့်သင့်ဖြစ်အောင် ပံ့ပိုးပေးတတ်ကြပါတယ်။ အရင်တုန်းက အတန်းကြီးဆီက တောင်းကြသလို ခုခေတ်ရောက် လာတော့ ဈေးနှုန်းအမျိုးမျိုးဖြစ်နေတဲ့ပြင်ပဈေးကွက်ကပဲ အလွယ်တကူဝယ်တဲ့ စနစ်ပြောင်းလာပါ တယ်။
ဖတ်စာအုပ်များဝယ်ခြင်းကဖတ်စာအုပ်ထဲမှစာများကိုကြိုတင်လေ့လာထားနိုင်ကြ စေဖို့ဆိုတဲ့ အဖြေတစ်ခုပါဝင်မှာပါ။ ဒီအဖြေအတွက်ဘယ်သူကအကောင် အထည်ဖော်ရမှာ လဲဆိုရင် ကျောင်းသူကျောင်းသား(ဖတ်စာအုပ်ပိုင်ရှင်) များဖြစ်မှာပါ။ လက်ရှိအချိန်မှာသုတေသနလုပ်ကြည့်ရင် နည်းပါးလှတဲ့ရာခိုင်နှုန်းလောက်ပဲ ဖတ်စာအုပ်ကိုဖတ်ကြည့်ကြပါ လိမ့်မယ်။ကျောင်းသင်ခန်းစာထဲမှာ ဝင်ရောက်လေ့လာကြည့်ရင် နှစ်ကုန်တဲ့အထိဖတ်စာ အုပ်ကို ပုံစံမပျက်ထားတဲ့ကျောင်းသားအရေအတွက်များပါလိမ့်မယ်။ ဒီစာအုပ်တွေကို အ ခြေခံပြီးအမြတ်ထုတ်ယူတဲ့ ကျောင်းသားတွေများများဖြစ်စေချင်ပါတယ်။
ကျွန်မတို့ရဲ့ကျောင်းသားတွေကို သူတို့ဖတ်စာများကို ပိုမိုနားလည် သဘော ပေါက် နည်းများကို သင်ကြားပေးဖို့တာဝန်ရှိပါတယ်။ကျောင်းသားများဖတ်စာအုပ် ဖတ်ရာမှာ အခက်အခဲများရှိပါက နားလည်သဘောပေါက်နည်း အမျိုးမျိုးသုံးကြည့်ဖို့လမ်းညွှန်ပေးပါလိမ့်မယ်။ ကျွန်မတို့ ကျောင်းသားဖြစ်ခဲ့တဲ့တစ်လျှောက်လုံး လုပ်ခွင့်ရတာအရမ်းနည်းခဲ့ပါတယ်။ တချို့နည်းများကို လုပ်ခဲ့သော်လည်း အပြုသဘော (အကောင်းဘက်)ကို မရောက်ခဲ့ပါဘူး။
ဒီတစ်ပတ်မိတ်ဆက်ပေးမယ့်သင်ယူတတ်မြောက်ရန်ဖတ်ရှုနည်း (Read-To-Lea rn Strategies) မှာ စာမဖတ်မီ (Beforereading)၊ စာဖတ်နေစဉ် (During reading)၊ စာ ဖတ်ပြီးနောက် (After reading) ဆိုတဲ့အပိုင်း(၃)ပိုင်းရှိပါတယ်။
စာမဖတ်မီလုပ်ရမည့်အရာတွေကတော့ (၁) စာဖတ်ခြင်း၏ရည်ရွယ်ချက်၊ တိကျ သောရည်မှန်းချက်ပန်းတိုင်ကို သတ်သတ်မှတ်မှတ်တည်ဆောက်ရပါမယ်။ဒီသင်ခန်းစာ ထဲက ဘယ်အရာကိုဖတ်ရှုလေ့လာရမယ်လို့ မျှော်လင့်လဲ။ ဒီတစ်ပတ်စာဖတ်ပြီး ဘာတွေသိရမယ်ထင်လဲဆိုတာတွေ မိမိကိုယ်မိမိမေးကြည့်ခြင်းဖြင့် ပန်းတိုင်သတ်မှတ်သကဲ့သို့ဖြစ်ပါတယ်။
(၂)သင်ခန်းစာတွေရဲ့ ခေါင်းစဉ်ကြီး၊ ခေါင်းစဉ်ငယ်များနှင့် ရုပ်ပုံများကိုကြည့်ပြီး သင်ခန်းစာထဲမှအကြောင်းအရာများကို ကြိုတင်ခန့်မှန်းဆန်းစစ်ကြည့်ပါ။ အကယ်၍ခေါင်း စဉ်ငယ်များနှင့် ရုပ်ပုံငယ်များမပါခဲ့လျှင်အပေါ်ယံသိဖို့အတွက် စာပိုဒ်တိုင်း၏ ပထမ စာကြောင်းများကို ဖတ်ကြည့်ပါ။ သင်ခန်းစာ၏အရှည်၊ပမာဏနှင့် ဖွဲ့စည်းတည်ဆောက် ထားပုံအစရှိတဲ့ လက္ခဏာရပ်များကို သတိပြုလေ့လာမှတ်သားပါ။စာလုံးအနက် (Blod)၊ စာလုံးစောင်း (Italic) များပါမပါရှာဖွေပါ။ အထူးအာရုံစိုက်ရမည့်အပိုင်းနှင့်လျစ်လျု ရှုရမည့်အပိုင်းများ ခွဲခြားသတ်မှတ်ပါ။
(၃)မိမိမှာရှိပြီးသားအကြောင်းအရာ၊ ဗဟုသုတများနှင့် နွှေးကြည့်ပါ။ မိမိဘာတွေ သိထားလဲ၊ ဖတ်ရှုလေ့လာဖူးသမျှပြန်စဉ်းစားပြီးလိုအပ်လျှင် စာရွက်ပေါ်မှာချရေးကြည့်ပါ။ အခြားရုပ်ပုံများ စာရွက်စာတမ်းများကိုလေ့လာသလိုမိမိမှတ်စုများကို ပြန်လှန်စစ်ဆေး ကြည့်ပါဆိုပြီး သုံးချက်ကိုလမ်းညွှန်ထားပါတယ်။
ကျွန်မတို့ကျောင်းသားတွေဖတ်စာကိုမနှစ်သက်ကြပါဘူး။ ဘာဖြစ်လို့မနှစ်သက်ရ တာလဲ၊ မကိုင်ချင်ရတာလဲဆိုရင်ဆိုတဲ့ အဓိကဖြစ်နေတဲ့ပြဿနာကိုရှာဖွေဖို့လိုပါလိမ့်မယ်။ကျွန်မလေ့လာမိသလောက် မြန်မာစာဖတ်စာအုပ်ကို တချို့ ကလေးတွေဖတ်ကြပါတယ်။ သူ့ထဲမှာပုံပြင်လေးတွေ၊ကစားနည်းလေးတွေ၊ စကားထာလေးတွေကို ကြိုက်ကြတာတွေ့ ပါတယ်။ ကဗျာတွေကိုဖတ်တာ သိပ်မတွေ့ရသလိုကဗျာအရသာကိုလည်းမခံစားတတ်ကြ ပါဘူး။ တခြားဖတ်စာအုပ်တွေကိုတော့ ကိုင်လေ့ကိုင်ထသိပ်မရှိကြပါဘူး။ ကျောင်းသားတွေအသာထား၊ ဆရာတွေတောင်မှ သင်ခန်းစာအခန်းကြီး ဘယ်နှခု၊ ဘာဘယ်လောက် ဆိုတာ မသိကြပါဘူး။Review Exercises (ပြန်လှန်သင်ခန်းစာ) တွေပါလို့ပါမှန်းတောင် မ သိသလိုပြန်လှန်သင်ကြားခြင်းအခန်းကကလေးတွေတတ်သွားလား၊ မတတ်(နားမလည်) သေးဘူးလားလို့ သိအောင်လုပ်ဖို့ထက် ဖြေပေးဖို့ပဲကြိုးစားလေ့ရှိကြပါတယ်။
ကျွန်မဖတ်ဖူးခဲ့တာလား၊တစ်ဦးဦးပြောခဲ့တာလားလို့မမှတ်မိတော့တဲ့အကြောင်း အရာလေးတစ်ခုရှိခဲ့ပါတယ်။ ထောင်ကျတဲ့နှစ်ပေါင်းများစွာအတွက်ဖတ်ဖို့စာအုပ်အထူတစ်အုပ်ပဲရခဲ့တဲ့အတွက်၊ ဒီစာအုပ်တစ်အုပ်ကို ခွဲခြမ်းစိတ်ဖြာစီမံတဲ့အစီအစဉ်လေးတစ်ခုပါ။သူ ထောင်ကျမယ့်နှစ်ကို ရက်ဖွဲ့လိုက်တယ်တဲ့။ စာအုပ်ကိုစာမျက်နှာဘယ်လောက်ပါလဲကြည့် ပြီးစားလိုက်တော့တစ်ရက်မှာဖတ်ခွင့်ရတဲ့စာမျက်နှာကတစ်မျက်နှာတောင်၊ မပြည့်ချင်ဘူး တဲ့ ဒီတော့အရသာကိုတဖြည်းဖြည်းခံစားရမယ်လို့သုံးသပ်မိပြီး ပထမဆုံးရက်မှာ စာအုပ် ကို ရှေ့အဖုံးကြည့်လိုက်၊စာအုပ်အနှောင့်တွေကိုကြည့်လိုက်လုပ်ပြီး အဖုံးပေါ်မှာရေးထား တဲ့ပုံစံ၊ စာရေးဆရာအမည်၊စာအုပ်တိုက်စတဲ့အပြင်မှာတွေ့ရတဲ့ အရာအားလုံးတစ်ခုမှ မ ကျန်ခဲ့အောင်အရသာခံကြည့်လိုက်၊စာလုံးပုံးစံက ဘယ်လိုလေးလဲ ဘယ်လိုဆိုပိုထင်သာ မြင်သာရှိမလဲ အဖုံးရဲ့အသားက ဒါထက်ပိုအိရင်ကောင်းမလား၊ချုပ်ပုံတွဲပုံကော် ကပ်ပုံအဖုံး လုပ်ပုံကောင်းရဲ့လား။ စာရေးဆရာက ကိုယ်သိတဲ့စာရေးဆရာလား၊ဘယ်လိုစာမျိုးတွေ ရေးတဲ့လူထဲစသည်ဖြင့် စာအုပ်လေးကိုင်ပြီး တစိမ့်စိမ့်အရသာ ခံရတာကောင်းလိုက်တာတဲ့။
ဒုတိယနေ့ကျတော့ရှေ့ဆုံးစာမျက်နှာလေးလှန်ကြည့်၊ ခေါင်းစဉ်မှာပါတဲ့စာလုံး တွေရဲ့ တစ်လုံးချင်းစီကိုအဓိပ္ပာယ်ဖွင့်ကြည့်၊ အားလုံးပေါင်းလိုက်တော့ ဘာအဓိပ္ပာယ်ဖြစ် မယ်ထင်လဲ စတဲ့စာအုပ်အမည်၊စာရေးသူအမည် စာအုပ်တိုက်နဲ့ ရက်စွဲ လောက်ပဲပါတဲ့ စာတစ် မျက်နှာတည်းကို အချိန်တစ်ရက်ဆွဲဆန့်လိုက်ပုံကိုပြောပြပါ တယ်။
တတိယနေ့ရောက်တော့နောက်တစ်မျက်နှာလေးလှန်ဖို့ထက်၊ မဖွင့်ခင်စာအုပ်အ ဖုံးလေးကိုအရသာပြန်ခံကြည့်၊ စာလုံးလေးတွေရဲ့အဓိပ္ပာယ်တွေပြန်တွေး၊ တတိယစာ ရွက်မှာ ဘာအကြောင်းပြောမှာလဲလို့ အရင်တွေးပြီး ညနေစောင်းလောက်ရောက်လာမှတတိယစာရွက် ဖတ်တဲ့အဆင့်ကိုရောက်ပါတယ်တဲ့။ ဖတ်ရတဲ့စာတွေရဲ့ တစ်ကြောင်း ချင်းစီ၊ တစ်လုံးချင်းစီကိုနားလည်အောင်လုပ်၊ အဓိပ္ပာယ်ဖော်၊ အရသာခံပြီးဖတ် ပါတယ်တဲ့။
နောက်ရက်တွေနောက်ရက်တွေမှာလည်းတစ်ဆင့်စီအရသာတွေခံ၊ ပြန်စဉ်းစား တွေလုပ်ပြီးမှတစ်ဆင့်စီဖတ်ခဲ့လို့ ဘဝတလျှောက်လုံးမှာအမှတ်မိဆုံးစာတွေပါပဲတဲ့နောက် တစ်မျက်နှာတွေ အလောတကြီးလှန်ပြီးဖတ်လိုတဲ့စိတ်ကိုလည်း အရမ်းကြိုးစားပြီးထိန်းနိုင်သွားတယ်လို့ သိလိုက်ရတော့ အံ့သြသွားရပါတယ်။
ကျွန်မတို့ရဲ့ဖတ်စာအုပ်တွေကို ဒီလောက်အနေအထားဖြစ်အောင်အထိတော့ လုပ်ဖို့မလိုပေမယ့် စာမဖတ်ခင်တော့ကြိုတင် အတွေးပွားဖို့နဲ့ ပြင်ဆင်ဖို့တော့လိုပါ လိမ့်မယ်။ တစ်နှစ်လုံးဖတ်ရှုလေ့လာရမယ့်ဖတ်စာကို စာမဖတ်မီ(Before reading) အဆင့်အတွက် လုပ်ဆောင်မှုသုံးခုကို သင်ခန်းစာတိုင်းအတွက် လုပ်ကြည့်ကြစို့လား။
